Corpus Van Reenen-Mulder (CRM14): Oorkonde G207p39101

Ic + , Ludiken Ghadde , Heylike zyn echte wijf , en_ Otto , vnse zoene @ , doet kundich allen lueden en_ bekennet openbaer met desen openen breve , dat wy zamentlike en_ eendrechtlike met vnsen vrygen moetwillen hebt vorcoft redelike en_ reckelike stedes erfcopes Wyllikine van Lossere en_ Oden sinen echten wiue en_ ern rechten eruenden den thenden smal en_ grof beschaepen : alze dre molt g˚edes wynterrocghen by spykermathe , ouer dat erue en_ dat g˚et geheten ter Clywick , als + dat gelegen is met al sinen oelden en_ nygen rechten tobehoren in der buerscap van Berchusen in den kerspele van Aldenzale vmme eyne summa gheldes , de my , Ludiken Ghadde , Heyliken sinen wiue en_ Otten ern sone vors_ vns samentliken van Williken van Lossere voerscr_ witlike al en_ wal betalet is , vn_ hebt voert desen voers_ thenden ouer dat erve en_ g˚et ter Clywick voerscreven opgelaten en_ opgedragen vn_ erflike des vortegen met handen en_ met mu_de vor Hinrike van Ouerhagen , richter in der tijt tod Aldenzale , daer he sat in gerichte vn_ in enen hegeden heymale , to behoef vn_ in hande Wylkens van Lossere , Oden sines echten wiues un_ er ervende voers_ , met allen vortichnissen en_ oplatingen als daer + to behoerden en_ alze recht is . Vnde deses voerscr_ thenden ouer dat erve en_ g˚et ter Clywick voers_ sal jc , Ludiken Gadde , Heylike syn wyf , Otto er zone voers_ en_ onse rechten ervende erflike waren un_ des rechte waerscap doen Wylken van Lossere , Oden sinen echten wive en_ ern ervenden voers_ wo men enes erfcopes met rechte waren sal vor alle deghene de des to rechte comen willet . Oek sint vorwarde in desen breue , dat jc , Ludiken Gadde , Heylike syn echte wyf en_ Otte er zone voers_ en_ onse rechten ervende willen en_ solen un_ loven vaste in desen breve Wyllikene van Lossere , Oden sinen wive en_ ern ervende_ voers_ desen thenden over dat erve en_ g˚et ter Clywick voers_ to vorholdene in rechter leenscher weer by den rechten leenheren daer de voers_ thende van to lene roret , sunder enigen ern hynder ofte schaden Wilkens van Losser , Oden synes wives of er ervende voers_ , al argelijst in desen breve vytgezeget . Jn eyn t˚ech der waerheit al deser dinc voerscr_ hebbe jc , Ludiken Gadde voerscr_ vor mij , Heyliken myn echte wyf en_ otten onsen zone vm erre bede willen en_ vor onse rechten ervende voerscr_ myn segel an desen brief gehangen vn_ vm ener meerren vestnisse willen heb + wy zamentliken gebeden Hinrike den richter van Aldenzale voerscr_ desen brief mede over vns met sinen segele te bezegelen . Unde jc , Hinric van Overhagen , richter in der tijd tod Aldenzale voerscr_ want al dese dinc voers_ in gerichte en_ in hegeden heymale vor my gescheen sint en_ minen ork˚nt daer + van vntfengh , so heb ic vm bede willen van beiden parthien voers_ myn segel mede an desen brief gehangen , daer mede an en_ ouer weren alze rechte kornote_ en_ gerichtes~luede Herman Snoye , Gherd Ryckardinch en_ ander g˚ede luede . Gegeuen in den jaer onses heren Goeds dusent dre + hundert een vn_ negentich op Sunthe Aghaten + dach , ener hilgen j˚ncfrowen .