Corpus Van Reenen-Mulder (CRM14): Oorkonde G234p39801

Jc hinric boterken fenne myen echte wyf vn_ alle onse rechte erfg_ ke_net vn_ betughet in dess_ openen breue dat wij eendrachtelike mijt moetwillen hebbet vercoft vn_ vercopet erflike in dess_ breue bere_de dilleman daijen sijen echte_ wijve vn_ ere_ recht_ erfg_ onse schutte boulandes van zes luttiken schepel ghesede vor eijn vrieghen vetgheseghet den tenden alsoe dat gheleghen is vp den esche tot enschede vn_ plach wan~daghes te horne in dat guet to lippinc vn_ is fe_nen vors_ ghegheue_ voer er brutelike guet van zust_~schedinghe vn_ is ghehete_ de smale acker vn_ schoet vp verveldinc hofkamp te hebbene to brukene vn_ dar d_e to bezittene erflike ewelike vn_ v_mermeer v_me ene Su_me gheldes de vns wyttelike al vn_ wal betalt is dess_ vors_ stuckes sijn wij vetghegaen vn_ hebbet daer van verteghen alles rechtes vn_ ansprake de wij daer an hadden of v_mer an to wachtene wesen soelen hebt dat vp~ghedraghen myt hande vn_ myt mu_de also ordel vn_ lantrecht wisede vor pet_ seziken richt_ to enschede to der tijt dar hy zat to gherichte in ene_ ghehegheden heijmale woe hy myt rechte zolde vn_ wij hi_ric vn_ fe_ne vors_ vn_ onse rechte erfg_ soele_ bere_de vors_ vn_ sine_ rechte_ erue_de des vors_ stuckes waren vn_ rechte warschap doen wo men eyns vrieghens vn_ eruekopes myt rechte waren sal vor al de ghene de des tho rechte komen wilt al argelist v&ering;t~gesproken Jn een tuch der waerheyt want ic hi_ric vorg_ geen eghen zegel en hebbe so hebbe ic ghebeden hinrike van besten dess_ breef vor my vor fennen myen echte wijf vn_ vor alle onse recht_ erfg_ to bezegelene vn_ ic hinric van besten hebbe v_me bede willen van beyden tsyden myen zegel an dessen breef gehangen voert so hebbe wy hi_ric vn_ fenne vors_ gebeden v_me meerre vestenisse willen pet_ zezykene richt_ vors_ dess_ breef mede o˚er vns te besegelene vn_ ic pet_ richt_ tenschede vors_ wa_t alle dese ding vor my gescheen sint daer sat in gerichte alse vorg_ is vn_ ic myen orku_t daer vp ontfeng so heb ic v_me bede willen van beyden tsyden myen zegel mede an dess_ bref geha_gen hir weren an vn_ ouer alse wincopes~lude berent tesplo ioha_ voertma_ vn_ anders guder lude genoech datu_ (onleesbaar) (onleesbaar) (onleesbaar)