Corpus Van Reenen-Mulder (CRM14): Oorkonde G246p38001

Wj . . Schepene_ van Lochem / Doen k˚nt Allen luden Ende t˚ghen mit desen opene_ brieue dat voer ons ghecoeme_ is . Aleyd queernemans docht_ / willem . johan / en_ beerte / o˚r kind_e / Ende bekanden / dat sie verkoft hebben in eyne_ steden erfcoepe / Rolande brinckeringh of den ghenen die eyn hoelder is desses briefs / Een half pont gheldes / payments als + men in ons_ stad neempt en_ gheeft / voer eyn pont gheldes / vyt oren h˚ys en_ hofsteden / gheleghen binne_ ons_ stat / bj . Gerdes h˚ys des hoghen / voer ene Su_me ghelts / die hem witliic en_ wael betaelt is / jn ald˚siken v˚rwarden / dat Aleyd or kind_e vorg_ noch hoer erfg_ noch nyema_t die dat h˚ys en_ hofstede onder hebben en s˚elen dat h˚ys noch die hofstede nerghent meer mede bekinnen_ noch daer niet meer vyt verco˚pen / noch daer anders niet vyt + gaen en sal to gheenre tijt / anders dan dat halue pont gheldes vorsc_ / Ende Aleyd mit oren kind_en vors_ . js des vorg_ halue_ pont gheldes als vors_ is / vytghegaen . en_ heeft daer vertichnisse op + ghedaen / alse zedelic en_ ghewoonliic is binne_ ons_ stad / jn behoef Rolandes . of halder sbriefs / vors_ / sonder arghelist / Hiir af hebben wj onsen Orkont ontfanghen / Ende jn meerre schiin onses Stades jngheseghel an dess_ brief ghehanghen / Ghegheue_ jnt . jaer Ons H_en D˚sent Drye + hondert en_ Tachtentich op s˚nte Mertijns dach in + den winter