Corpus Van Reenen-Mulder (CRM14): Oorkonde G504r37401

@ Wij aleph kercheer to Rolde en_ Marceli_ kercheer to zuutlaren doen kundich allen luden de dessen breef solen Zien oft horen lesen , dat wy ghescheyden hebben den abt en_ dat conuent van dickeninghen an de ene zijde / en_ de abdisse en_ dat conuent van assen an de ander zyde van twist en_ van discordien de se vnder hem hadden als van herberghe de dat conuent van dickeninghen hebben ouer den hof to halen en_ ghekoft hebben theghen otten van Norch en_ sine erfghenamen met den tyenden to halen vorghescreuen Int irst so is vnse zegghen / dat de abt en_ dat conuent van dickeninghen vors_ solen hebben twe herberghe des jares over den hof to halen eens by grase en_ eens by koerne jn aldusken manyren wanneer se de herberghe daer hebben willen so solen se dat weten laten in den hof to halen achte daghe oft ses daghe to~voren eer se daer comen en_ is dat sake dat de abt seluen daer comen wil / so mach he comen self vierde met vier perden en_ is des niet so mach he daer senden van siner weghen twe personen met twen perden Weret oec saeke dat se oren tokomst daer vmboden en_ niet en quemen so solde de hof to halen der herberghe op de tyd vordraghen wesen Weret oec sake dat de abt en_ sine personen daer niet vntfanghen en worden als vorscreven is en_ een zede in den lande van drenthe is van andern herberghen / so mochte de abt en_ sine personen vors_ riden in ene g˚de ander herberghe daer se wolden en_ wo~veel se daer vortereden dat mochten se penden twyscat vt den houe to Halen tot horen willen sonder wedersegghen des conuents van assen En_ vp~dat desse scheydinghe en_ vorwaerde ewich stede en_ vast bliuen so hebbe wy dessen openen breef beseghelt met vnsen seghelen En_ wy abt en_ dat ghemeyne conuent van dickeni_ghen ghelyen en_ louen alle desse vorwaerde vorscreuen ewelike stede en_ vast to holden sonder aerghelist des hebbe wy vnses conuents zeghel voer an dessen breef ghehanghen jnt jaer vnses heren dusent dre + hondert vier en_ zeuentich vp sunte benedict_ dach in der vasten