Corpus Van Reenen-Mulder (CRM14): Oorkonde G504r37901

@ Ic ? van den houe doe Cundich allen luden mit desen open brieue dat ic vor mi vor mine erfname_ en_ vor mine_ nacomelinghe vercoft hebbe den abdissen en_ den Conuente van assen een derdeel van twe mudde wint_rogghen de ic jaerlix hadde over assinghe~goet to obeslo dat in den buerscap van halen ? is in + den kerspel van beylen om ene su_me van ghelde de mi vol en_ al betaelt is also dat ic noch mine erfname en_ mine nacomelinghe ne_mermeer dat vorseide assinghe~goet en zolen bet aenspreke_ vor dat vorscreue_ derdel van tween mudden mer dat co_uent van Assen sal des ewelike en_ erflike bruken sonder wedersegghen En_ waert zake dat Conuent van assen enighen scade lede van aenspraken van den ? derdel van twe mudde winterrogghe_ van enighe_ luden die des to Rechte come_ willen daer sal ic se af ontheffen en_ scadeloes holden alle arghelist en_ nie vonde vteghesproken . jn ke_nesse der waerheit so hebbe ic godevaert vorseit desen brief bezeghelt mit minen zeghele to eenre vaster orcunde En_ om die meerre zekerheydt wille so heb ic ghebeden mit + den conuente van assen Rolef van steenwijc die desen coep ghemaket en_ ghededinghet heeft dat hi desen brief mede bezeghelt heeft mit sine_ zeghele En_ ic Roelef van steenwijc hebbe der bede wille godeuaerds van den houe en_ des Co_uents van assen vorscreue_ desen brief mede bezeghelt mit mine_ zeghele tot ene_ tughe ghegheue_ in + den iare ons here_ dusent drie + ? neghen ende tseuentich des zonendaghes na sinte matheus dach appostel en_ ewangeliste_