Corpus Van Reenen-Mulder (CRM14): Oorkonde G528r33501

@ allen den ghenen de desen brief zien jof horen lesen / ic roelf van pedze do cundich / dat ic ghereden was to dickeninghe an den abbaeth en_ an broder roelue en_ broder Otten en_ badden Em dat ze nicht En wolden Otten van Norch gheen geld En ghauen / also van den teenden van hale_ den ze wed_ Em ghedinghet hadden - want ic bi rechten lant~rechte dar de naste to was / wantz auer minen goede was / en_ alle dat recht dat ic to den goede to hale_ hadde dat hebbe ic ver~coeft den Conuente van ascen en_ ludulphe scultinghe . en_ sinen broder hermane jn orcunde deser warheith zo hebbe ic desen brief ghe~segeld mit minen seghele . ghegheuen in + dat jar vnses heren d˚sent dre + hundert viue vnde dertich vp Pinkester~auont