Corpus Van Reenen-Mulder (CRM14): Oorkonde G528r39001

@ Wy herman stael / lumme mijn echte wijf / ludolf vnze echte zone / Ende wy Hubert van den lare ende nese mijn echte wijf / doen kundich allen luden dat wy quijtghescholden hebben ende quijtschelden ledich ende loes met desen openen breue voer vns ende voer vnze erfg_ / Wolter van n˚le / Wicher ende aernde sine brodere ende ore erfg_ van al vnzen andeele der iaerlix mudde / de wy ende vnze voervaren v˚t oren guede pleghen iaerlix vp te boren ende to bruken / dat gheheten is / nessekinge / gheleghen in der buerschap to wijshoerne in beyler kerspel / als vmme ene rechte weder~wisle vnzes andeels van anderen iaerlix mudden / de wolter ende sine brodere vorsc_ ende ore voervaren / iaerlix pleghen to hebben ouer vnze guet gheheten poppinge gheleghen in der buerschap to oruelde in borker kerspel / daer se vns ende vnze erfg_ quijt ledich ende loes van ghescholden hebben ende den stoc van gheleghet hebben voer den buren van oruelde to drentschen lantrechte / alze dat se vnse andeel der vorsc_ iaerlix mudde ouer dat vorsc_ g˚et nummermeer bruken oft anspreken en zolen / v˚tghesproken twe mudde haueren~moltes daer wy of vnze erfg_ woltere ende sinen brodere_ vorsc_ ende oren erfg_ erflic ewelic ende vmmermeer iaerlix vnze andeel van betalen zolen to drentschen lantrechte van vnzen andeele vnses guedes gheheten poppinge vorsc_ / . Ende wy herman lumme ludolf vorsc_ ende wy hubert en_ nese vors_ hebben den stoc daer van gheleghet voer den buren van wijshoerne to drentschen lantrechte Ende quijtschelden ledich ende loes / woltere wichere ende aernde ghebrodere vorsc_ ende ore erfg_ van al vnzen andele der iaerlix mudden de wy hadden ouer oer vorsc_ guet / als dat wy of vnse erfg_ daer gheen meer wachten na en hebben ende de nummermeer weder an~spreken of bruken zolen / Al arghelist hijr inne v˚tghesproken . Jn een t˚uch der waerheyt zo hebbe ic herman stael vorsc_ mijn zeghel an desen breef ghehangen voer my / ende voer lummen / ende voer ludolue vnzen zone vorsc_ ende voer vnze erfg_ / alze voer vnze andeel / Ende ic hubert van den lare vorsc_ / hebbe mijn seghel an desen breef ghehangen voer my ende voer nesen vorsc_ ende voer vnze erfg_ alze voer vnze andeel der iaerlix mudde voersc_ Ghegheuen Jnt Jaer vns heren dusent dree + hundert ende neghentich vp sante seruacius dach - -