Corpus Van Reenen-Mulder (CRM14): Oorkonde G548r37001

@ Wij Johan heer van R˚ne Doen kundich allen luden die desen breef zolen zien of horen lesen dat vor ons quamen daer wi zaten to richte in enen hegheden heymale tot R˚ne vor die banc mit oren vrien willen en_ mechtich oers lives . herman heer van kuenre mechtelt zien echte wijf . Ende herman van + der Eze hoer gheboerne mombaer . Ende lieden in onser teghenwordicheit . dat zie vercoft hebben . Peter van blidensteden en_ zinen . rechten erfnamen . neghentien virendeel boteren de gheleghen is op hakeswolde en_ men hem betalen zal alle iaer op sente michiels dach als men rechte boter~pacht pleghet to betalen in allen manieren alze ze boldewiin van + der eze plach to hebben ende to bueren welcke vorscr_ boter wi em waren zolen vor een edel eyghen iaer ende dach vor alle de + ghene dies to rechte comen willen om ene summe van ghelde de ons witlike en_ wal betaelt is Ende wj schelden deze voernoemde boter vri ende quijt erflike en_ vmmermeer van eyghendoem ende van alre aen~sprake de wj of onse erfnamen op dese vors_ boter mit Yenighen rechte to Spreken hebben . hier weren ouer ende aen als koernoeten aernolt van Almelo . koep Winickens zoen . Johan haghene ende anders vele goeder lude quessinghe der zeghele holinghe des breues ende al arghelist die men dessen breue to hinder dichten of viinden mach wt~ghespraken Jn orconde ende westenisse alle desser vorscreuen vorwarde ende want wi willen dat ze wal van ons ende van onsen erfnamen ghehoude_ zolen bliuen . so hebbe wi Johan heer van Rune als een richter ouer desse vorscr_ vorwarde en_ wj herman . heer van kuenre mechtelt onse echte wijf ende herman van + der eze mechtelde mombaer vors_ onse seghele . an desen brief ghehanghen tot enen tughe dier waerheit ghegheuen jnt jaer ons heren . dusent dre + hondert en_ tseuentich des manendaghes na des heyleghen cruces . dach gheheten exaltatio