Corpus Van Reenen-Mulder (CRM14): Oorkonde G548r37002

@ Allen luden , de dezen breef zolen zien of horen lesen , doe wi verstaen , Herman heer van Kuenre , Mechtelt , onse echte wijf , Boldewiins dochter van der Eze , ende Herman van der Eze , hoer gheboerne mombaer , dat wi bidden heren Johan , heer van R˚ne , dat hi vor ons ende met ons bezeghelen wille den breef , de hem Peter van Blidensteden tonende is ende brenct , sprekende van neghentien virendeel v boteren , de hem wy em vercoft hebben ende gheleghen is op Hakeswolde , want wi ons verwilkoeren in desen openen breve vor die oplatinge to doene vor heren Johanne vors_ ghelikerwijs of wy daer zelven mit onsen live vor hem stoenden , daer hi zate to richte in enen hegheden heymale . In orconde dier waerheit zo hebbe wi desen brief bezeghelt mit onsen seghelen . Ghegheven int jaer ons Heren dusent dre + hondert ende tseventich des Manendaghes na alle Godes Heileghen daghe .