Corpus Van Reenen-Mulder (CRM14): Oorkonde G548r37501

@ Wy , Johan , here van R˚nen , ridder , doen k˚ndich allen l˚den mit desen openen brieve , dat wij bij ghes˚nden lijve ende mit vrijen willen onses selves hebben ghegheven ende erflike opghelaten mit allen landrechte , alse daer + to byhoert , vrouwe Zweder , onsen echten wijve , alle onse levendighe roerende have , al unse cleynhede ende goed , dat die scheere bygaen hevet , alle onse silverwerc ende vate , dat sij van golde ofte van silver , ende voert al onse reedscap , h˚esraed ende al onse goed , alsoe als dat gheleghen is ten Oeldenhove , in alsoelken maneren dat vrou Zweder , unse echte wijf voers_ , des voernoemden goedes erflike ghebr˚ken mach ende bisitten sonder yenegherhande hiinder ofte wedersegghen van ons ofte van onsen erfghenamen . Hier hebben over ende an ghewesen goede eersame l˚de Roelof van Steenwiich , amtman des landes van Drenthe , Johan die Vos van Steenwiich , Ghert G˚edesing , Volkier die sculte to R˚nen , jongge Ludger , Steven Pigge ende Lieffard die gru~Te&rring; , b˚re te R˚nen ende anders g˚eder l˚de ghenoech . In kennesse der waerheit soe hebbe wij , Johan , here van R˚nen vors_ desen brief byseghelt mit onsen zeghel ende hebben ghebeden Roelve van Steenwiich , Johan Vos van Steenwiich ende Gherde G˚edesing voerscreven desen brief mede to byseghelen myt oerren zeghelen . Ende Wij , Roelf Steenwiich , Johan Vos van Steenwiich ende Ghert G˚edesing voers_ , want wij hier + over ende hier an ghewesen hebben mit den b˚ren van R˚nen voernoemde , hebben um bede willen heren Johans van R˚nen voers_ desen brief biseghelt mit onsen zeghelen voer ons selven ende voer die b˚re van R˚nen voerscreven , want sie selven ghiene zeghele en hebben . Ghegheven int jaer ons Heren dusent dree + hondert viif ende seventich op sente Martiins + dach in den wiinter .