Corpus Van Reenen-Mulder (CRM14): Oorkonde G574r38801

@ Allen luden die dessen brief zolen zien of horen lesen doe jc verstaen heynric van Echten dat jc vercoft hebbe en_ vercope mit dessen tieghenwordighen brieve voer + my en_ voer mine rechte erfghename_ / vrederic lebbelinghe to lede en_ sine_ rechte_ erfghen_ / alzolken groven tyende alse ic heynric van Echten vorscr_ en_ mine rechte erfn_ hebbe_ ghehadt over lebbelinghe~goet vorscr_ En_ over ene_ ghaerden die gheheten is Esdoringhe~ghaerde En_ over een Stucke lijnlandes van neghen Roeden / / welc voerghen_ tyende / ghaerde en_ lijnlant jc heynric vorghen_ qvijt / vri / ledech / en_ los schelde En_ den jersten pe_ninc mit den leste_ witlic En_ wal betaelt is En_ beke_ne des alle argheliste vut~ghesproke_ / nye vonde / ochte olde razvre des briefs / qvetsinghe des zeghels of enygherhande zaken die in dessen brieve vredric vorscr_ of zine_ rechte_ erfn_ to hynder of to scaden come_ moghe / daer desse vorscr_ vorwarde_ ghemaket worden daer waren over en_ aen die ? Coep hoven en_ droeghen Rolof van Echten . laurens bachvus to Rvnen Eysse ? En_ Rolof za_ninghe to lede En_ om~dat ic heynric van Echten vorscr_ wille dat alle desse vorscr_ vorwaerde vaste en_ stade blive voer my en_ voer mine rechte erfn_ so hebbe ic dessen brief bezeghelt mit minen zeghel Jn ke_nisse der waerheit Ghegheuen int ? ons heren dusent drie + hondert Ende achte ende tachtentich