Corpus Van Reenen-Mulder (CRM14): Oorkonde G595r35201

@ Wi , Reynold , here van Kovorde ende van Borclo , doen kundich allen luden , die desen brief zolen zien ofte horen lesen , dat wi Volkiere van Echten hebbe belenet den tijenden van Zuutwolde , den tijenden van Lede , den tijenden van der Linthorst , den tijenden van Sconenvelde ende den tijenden van Echten tote Zutfaenschen rechte . In orkonde dat dese dinghe stede ende vaste siin , so hebben wi , here van Kovorde ende van Borclo vornomt , desen brief bezeghelt met onsen zeghel . Gheven int jaer ons Heren M + CCC twe ende viiftich des Vrijdaghes vor Midvasten .