Corpus Van Reenen-Mulder (CRM14): Oorkonde G595r39801

@ Jc zweder van heker amptman tot Couorden Make kondich alle_ l˚eden dat die Abt van Dicnynghen en_ volkeer die Bloemer scheelachtich weren onder~een alsoe dat de Abt . volkeer ansprack voer Twe stede mudde roggen die sijn _uent hebben solde v˚et den goede tot Oedinghen gelegen toe Leede die jn voertijden sinen _uente toe rechten testame_te gegeue_ solde wesen daer volkeer die Bloemer weder~segede dat die vorsc_ mudde des mans nicht en were_ die sie gegeue_ solde hebben / Alsoe dat ic Zweder vorscreue_ daer onder dedinghe / dat sij malk hoerre vrende daer twe toe setten / die solden sij daer aff scheiden mit Rechte offte mit mynne_ en_ waer jnne sie twijdrechtich woerden va_ mynne_ ofte van rechte / soe solde ic zweder vors_ daer een o˚erman toe wesen . en_ mit wilkoere_ tween off meer daer jc mede toe velle . daer solde dat mede gescheiden wesen Alsoe dat die veer die daer toe gesatt weren van beyden partyen ene mynne geraemt hebbe_ eenpaerlike en_ dat heb ic mede gelaeft en_ gev˚lbordet en_ is v˚tgeseget alse hijr nae bescreue_ steet alse van den twen mudden vors_ Al acht_stedighe renthe quijt wesen sal . vn_ we meest vtgheleget hadde jn dedinghe of in coste jn geestliken rechte off in werntliken rechte off in enighen saken / die an den vors_ mudden roerene were_ die heft meest verloere_ Ende volkeer die + Bloemer die sal den Abtt en_ den _uente van dicninghen jaerlix voert angheue_ erflike en_ vmm_m__e een mudde roggen des jaers v˚et den goede tot Oedinghen toe leede / ende daer + mede is al anspraeke alse vors_ is ledich en_ loes van + den abt van dicninghen en_ van + den _ue_te vors_ die sie an volkeer vors_ hadden / Mer volkeer off sijn erfg_ moege_ dat vors_ mudde roggen dat hij hem jaerlix geue_ sal v˚et den goede tot Oedinghe vors_ legge_ of copen in een ander g˚ed den _uente van dicningen dat hem alsoe geleghelic is / alse dat g˚ed tot Oedinghen / En_ doe dit vors_ seggen v˚etgeseget waert doe volgheden des beyde partyen eenpaerlike Al arghelist v˚etgeseget / hijr waeren met my . an en_ o˚er alse seggesl˚ede des Abts van dicni_gen / alse her Johan woerdinghe toe dwingeloe en_ herman Stael . en_ van volkeers wegen vors_ . wolter van den laer en_ l˚bbert br˚ens toe dwingeloe en_ anders vele goeder l˚ede genoech Jn Oerkonde der waerheit alle deser vors_ ponte_ hebbe jc zweder vors_ mijn segel an dessen breeff ghehanghen Gheg_ jn den jaer onses heren d˚ysent dre + hondert achte en_ Tneghentich op ze_te Johans dach jn den middensoemer - -