Corpus Van Reenen-Mulder (CRM14): Oorkonde G640r35401

Jch johan vanden Cloest_ . doe k˚nt en_ kenlijch allen luden . dat ich . vm . beeden . willen . hermans van . Goedelinchem . heb vpghelaten . en_ verteghen . van . alle den . Eyghendoem . die ich had an den huyse tot Schuringhe met al Sijnre Slachter nvt also alse dat gheleghen . is tot ytterbeech inden kerspel va_ vlsen . . dat h_man . va_ . Goedelinche_ voers_ va_ mi helt in . Manstat . den Conuent va_ assen . te besitten . en_ te bruyken . Erfeliken . en_ vmmermeer voer hoer vrye Eyghen Erue en_ vm . eyn . aenwissel alse dat goet tot Gherlinch tot heuekinchem met alle Sijnre Slachter nvt alse alse dat gheleghen . is inder b˚erscap tot hauekinche_ en_ inden kerspel va_ vlsen voerg_ . dat mi h_man va_ Goedelinche_ . voers_ . weder ghegheuen heuet voer dat huys Schurinch voerg_ tot Eyne_ Rechte_ aenwissel . . daer ich en in bekent heb en_ va_ mi holdet in Manstat dat ich voert holde va_ . Steuen vanden Rutenberghen . en_ hope dat ich . dat met rechte doen mach want ich mijn . goet dat ich va_ enen heren holde . wael . beteren mach . en_ nyet . ver~Ergheren . en_ wil des ten rechte gaen . . Jn . Orc˚nde . en_ rechte . tughe desser dinch . so heb ich . johane voers_ van den Cloest_ . minen seghel an dessen brieue ghehanghe_ . Ghegheuen inden . jaer vnses heren . dusent dry + hondert . vyer en_ vyeftech . vp sente Paulus . dach Conuersio