Corpus Van Reenen-Mulder (CRM14): Oorkonde G640r37001

IC Robbrecht van vyernenborch in der tijt Schulte van zalland Make kundich Allen luden dat voer mj qua_ in ghericht ende in enen ghehegheden hemael Alfer van der schuren ende liede dat hij voer hem ende voer zine erfg_ vercoft heuet erflic ewelic en_ o_mermoor om een su_me gheldes die hem vol ende al betaelt is . ludeken ten busche ende sinen erfg_ den Tyende_ te_ voerwercke grof ende smal mit alle zinen toebehoeren alse die gheleghen is in den kerspel ende in der marcken to Nyensteden . ende den Tyenden over Reyning tot Hemis grof ende smal mit alle sine_ toe~behoeren alse die gheleghen is in den kerspel ende in der marcken tot Hemis . ende liet ludeken voers_ ende sine_ erfg_ dese voers_ Tyenden voer mj op in den selue_ hemael en_ verteech daer van mit ordeel ende mit recht . ende lovede sij voer hem en_ voer sine erfg_ erflic tewaren ludeken voers_ ende sinen erfg_ voer alle die ghene die des tot rechte comen willen al arghelist hier vytgheseghet hier waren over en_ aen alse gherichts~lude . Gherd mulaert jacob van Tyver ende anders g˚ede lude . Jn orconde des briefs beseghelt mit minen seghel . jnt jaer ons h_en dusent Drie + hondert en_ Tsouentich des dinxdaghes na zante Peters dach ad Vincula . .