Corpus Van Reenen-Mulder (CRM14): Oorkonde G640r37002

Jc Cyse van der schuere_ Make kundich Allen luden dat voer mj quam ende voer manne mijns h_en des bysscops van vtrecht Alfer van der schuere_ mijn broeder ende droech voer op in mine hand den Tyenden ten voorwerck grof en_ smal mit alle sine_ toebehoeren alse die gheleghen is in den kerspel en_ in den marcken te Nyensteden . en_ den Tyenden over Reyning te Hemis grof en_ smal alse die ghelegen is in den kerspel en_ in der morcken te Hemis mit alle sine_ toebehoere_ . wulke voers_ Tyenden Alfer voers_ van mj te holden plach in broeder~scheidinghe tot des stichtes recht . en_ verteech daer na op alsoe dat ordeel en_ recht wisede der manne die daer over en_ aen weren dat ic minen vrien willen doen mocht mit desen voers_ Tyenden Doe dit ghesciet was doe bekende ic dese voers_ Tyenden mit aller slacht_ nod en_ oeren toebehoeren alse die gheleghen siin over dese voers_ ghoide . ludeken ten bussche erflic die te holden van mj en_ van minen erfg_ toe des ghestichtes recht van vtrecht mit Dryen ponden te verherwaden alle weghe alset versteruet beholdelic mj al mijns rechts en_ elkermalc des sijns al arghelist hier in vytgheseghet . Hier waren over en_ aen alse manne mijns h_en des bysscops van vtrecht henric die zure . henric van essen die olde Seyne wolberts soen . Ernst van yselmuden dyric camferbeec en_ anders ghoide lude Jn orconde des briefs beseghelt mit mine_ seghel Cysen voers_ daer jc Alfer voors_ mine_ seghel mede hebbe aen ghehanghe_ tot enen tughe der waerheyt ghegheue_ int jaer ons h_en dusent drie + hondert en_ Tsouentich des dinxdag_ na Sante Peters dach ad vincula