Corpus Van Reenen-Mulder (CRM14): Oorkonde G640r39401

IC Sweder van heker geheyte_ van Recht_ doe kundich allen luden dat ic vor my en_ vor myne erfg_ bide_ gesatten dedinx~luden als by Rolof van jttersim en_ geerlich de_ Cadenet_ van der ener zide seyne wolbertszone en_ jacob van den tyver van der ander zide volcomelic gesceiden bin mit herma_ en_ joha_ stine_ lutgard en_ zweder des olde_ h_mans kind_e va_ recht_ by rade en_ todone ons_ mage en_ vriende / van alle scelinge de ic mit em thent huden dages to gehad hebbe in enig_wiis jn vorwarde_ na bescreue_ jn den yerste_ so sulle_ zee en_ oer erfg_ alle oer horige lude man of wiif va_ my zweder oere_ oem vors_ erflic to lene holde_ gelijc oere_ and_en guede dat ze va_ my to lene holden voertmeer so sulle_ ze de twintich pond des jaers de ze va_ oers vader wege_ hebbe_ vyt de_ guede der heerscap van voerst an gene zijt der ysele in wyerkerspel daer Euerd va_ ? nv t_ tijt oppe woend to heme holde_ va_ my zweder vorscr_ en_ myne_ erfg_ gelijc oere_ and_en leenguede ter tijt to dat my zweder vors_ en_ myne_ erfg_ de twintich pond des jaers gevryet werde_ van der heerscap van voerst de oer vader versat heeft vyt de_ guede to dese by zwolle in hand hern b_tolds va_ haersolte en_ ziinre erfg_ En_ des gelike so sulle_ see de twye pond des jaers de ze hebbe_ vyt der hofstede van deser poerte gelege_ daer de oelde landw_e plach to wesen daer geerd van goch oppe woend erflic to lene holde_ va_ my zweder vors_ en_ mynen erfg_ gelijc oere_ and_en leenguede voert sint vorwarde dat h_ma_ en_ joha_ of stine lutgard of zweder vors_ of oer erfg_ binne_ achte jare naest come_de na date des breefs binne_ zalland belegge_ sulke_ twye hondert en_ tachte_tich guldene de me_ nv ter tijt op date des breefs in comans hand kuest to zwolle in der wissele an gueder erfnisse dat een edel eyghe_ is en_ dat daer gued vor is en_ de erfnisse sulle_ soe en_ oer erfg_ erflic to lene holde_ van my zweder vors_ en_ myne_ erfg_ gelijc oere_ and_en leen~guede dat ze van my to lene holde_ mer weerd sake dat zee en_ oer erfg_ binne_ der tijt alse vors_ is in zalland alsulke erfnisse niet veyle en vonde_ daer ze dat vors_ gelt an belegge_ mochte_ daer my zweder vors_ an genogede soe mochte_ ze dat vors_ gelt tusschen my en_ em in eene gewaerde hand leggen in leenstad van de erfnisse vors_ ter tijt to dat ze dat gelt vors_ belegede_ an erfnis alse vors_ is daer my zweder vors_ an genogede en_ alse ze dit voers_ gelt beleget hebbe_ so sulle_ zee en_ oer erfg_ my en_ myne_ erfg_ des enen apene_ brief gheue_ dat ze de erfnisse als de gelege_ is voert~an va_ my en_ myne_ erfg_ to leene holde_ zulle_ gelijc oere_ and_en leenguede En_ weerd sake dat daer enich versuem in volle dat ze oft oer erfg_ dit vors_ gelt niet en belegede_ oft in ene gewaerde hand legede_ gelijc vors_ is en_ ic zweder vors_ of myne erfg_ daer o_mermeer mani_ge o_me doen solde wes cost scade of hinder ic of myne erfg_ daer by lede_ an bode lone oft an anders o_rade de_ soele_ se my richte_ en_ betale_ to gueder bewisinge zunder oer wedersegge_ ende belegge_ nochta_ dat gelt gelijc vors_ is alle dese voers_ punte heb ic em gelaeft en_ gesekert in guede_ trouwen stede vast en_ onverbrecklike_ to holdene sunder enich argelist Jn oerkunde des briefs bezegelt met myne_ zeghele Sweders va_ heker vors_ Geg_ jnt jaer ons h_en duysent drie + hondert veer en_ neghentich op ons_ vrouwe_ auond Natiuitas