Corpus Van Reenen-Mulder (CRM14): Oorkonde G640r39801

Ich albert korn˚te Myghe myn echte wyf / hille vn_ ghertr˚d vnse echten kyndere doen k˚ndich allen l˚den vn_ bet˚ghen myt dessen openen breue dat wy redelike vn_ rechtlike vorkoft hebbet vn_ uorkopet in dessen breue stedes erfcopes myt vnsen vreyen wyllen Joha_nese hinrekink anders ghehete_ van vlsen vn_ sine_ erfghenamen twe vn_ twintich schepel g˚des rogghe_ g˚lde twentescher mate vn_ achte g˚de m˚nstersche schellinghe iarlikes to betalene to pacht~tiid vyt den erue vn_ g˚de ton brinke vn_ vyt al siner to~behoringhe gheleghe_ in den dorpe vn_ in der b˚rscap to vlsen dar anders myne pacht vyt en gheet me_ tende vp der dele desse vorg_ pacht mach Joha_nes vorg_ oft sine erfghename_ holden vn_ besitten vn_ br˚ken erflike vn_ eechlike vn_ iu_mermer vor eyn vrey edel eghen alze vor ene su_me gheldes de vns wytlich vn_ wal betalet is to vnsen wyllen vn_ ik albert mye hille vn_ ghertr˚d vorg_ wy loue_ an desse vorg_ re_te to warende vor vns vn_ vor vnse_ erfghename_ alze me_ eyn vry dorslachtich eghe_ g˚et to rechte ware_ sal vor al de ghene de des to rechte kome_ wylt vn_ wy hebbe_ desse vorg_ pacht vorteghe_ myt hande vn_ myt m˚nde vn_ vp~ghelaten vor enen ghehegheden richte vn_ sint dar vyt gheghaen alze wy myt rechte solden vor Arende gr˚bben in der tiid rychter to vlsen dar hy sat to gherichte in eynen ghehegh_den heymale myt sinen kornote_ alze wy myt rechte solden vn_ wy bekenne_ dat wy noch vnse eruende an den twe vn_ twintich schepel rogghe_ g˚lde noch an den achte schellinghe_ m˚nster gheldes nyr~hande recht noch ansprake en hebben noch an to wachtene sint noch an beholden alle arghelist vyt~ghesproken Jn eyn t˚ch der warheyt so hebbe ik albert vorg_ myn seghel an dessen breef ghehanghen vor my selue vn_ vor mygen myn echte wyf vor hillen vn_ ghertr˚d vnse dochtere vn_ vor al vnse eruende vn_ v_me ener meren vestnisse so hebbe wy voort ghebeden Arende grubben in der tiid richter to vlsen dessen breef mede ouer vns te beseghelene myt sine_ seghele vn_ ik arend gr˚bbe richter in der tiid to vlsen went alle desse vorg_ dink vor my ghescheen sint dar ik sat to gherichte in eyne_ ghehegheden heymale vn_ myne ork˚nde daer vp en~feng so hebbe ik vmme bede wyllen van beyden syden myn seghel mede an dessen brief ghehanghen daer myt my an vn_ ouer weren alze rechte kornote_ vn_ gherichtes~l˚de aspelaen anders gheeten m˚lert vn_ hinrich de sagher Datu_ a_no d_m___ Millesimo ccc˚ Nonagesimo octavo in die marie magdalene