Corpus Van Reenen-Mulder (CRM14): Oorkonde G673r35701

Jch johan van weleuelde / do kundich allen l˚den / de dessen brief zolen zeen ofte horen leezen / dat ich myd wulbord en_ by Raede agnezen mijns echten wiues Otten en_ johans vnzer zone / g_trude onzer dochter en_ vort al vnser erfghenamen / hebbet vercoft erflike en_ ju_mermeer / den Raetl˚den van der kerken van almelo / vn_ arnolde van Osenbrucghe kostere to der tijd tot almelo twe molt roggen by aldenzeler maete / vet vnzen g˚de tot Engelbertinch dat gheleghen is in der burscap van zenderen / vn_ in den kerspele van Borghenden / dat vnze vry eyghen is / en_ ? wj den Raetl˚den en_ arnolde vors_ waren zolen vor een vry eyghen ofte zees to done hebben we men eyn vry eyghen to rechte waren zal / als vmme eyne su_me van ghelde de vns de raetl˚de en_ arnold vors_ wytlike en_ wal betalet hebbet / weliken roggen vors_ men em jarlikes betalen zal vnbeku_mert tot almelo zunder oeren scaden tusschen zunte mertene en_ medewintere jn al~zodanen vorwarden / dat dat eyne molt Roggen dat de Raetl˚de hebbet betalet / zal bliuen erflike in der kosterye tot almelo to des kosters behof . En_ dat andere molt roggen / dat mach arnold vors_ laten en_ keren waer dat he wil / men wi en doruen de twe molt roggen nicht vordere betalen dan in des kosters hues tot almelo en_ myd zodanen roggen daer eyn g˚et man den and_en mede betalen mach / vortm_ hebbe wj em dese twe vors_ molt vp~ghedraghen vn_ vorteghen vor den gherichte van borghenden / alse vor Lamberte den meyger van borghenden de daer to der tijd was eyn ghesuoren richtere / daer he zath in eynen ghehegheden heymale . vn_ vortyget des myd dessen brieue / also dat wj daer neghenrehande recht meer an en hebbet / Vortm_ zo zole wj en_ vnze erfghenamen em en_ oeren nakomelinghen der gulde waren en_ antworden ku_merloes tot almelo iaerlikes alse voerscreuen is vor alle de ghene de es to rechte komen willen vet~ghesproken al arghelijst Weret ock zake dat men em iarlikes de_ gulde nicht en betalede vet den vors_ gode alse vorscr_ is / zo moghen ze de gulde vet~winnen myd gheystliken rechte ofte myd wertliken rechte welicher dat ze willet zunder vnsen ouelen~moet . en_ daer zo zole wj ou_ vnse erfghen_ ze to helpen en_ vorderen en_ nicht an hinderen / al arghelijst vet~ghesproken / Hier an en_ ouer was Her Conraed van Hengelo / Her gherd by der straten vicarius tot almelo Ecbert hinrikes zone van almelo / Ghert van beu_uorde johan van beu_uorde / willam zijn zone / herman van Peyse Arnold van Eghene / goswin scaep / willam Rorinch / willam iohans sone / ghert van tubberghe / en_ anders g˚der l˚de ghenoech / vp~dat desse dinck stede en_ ewelike vast bliuen / zo heb ich iohan van weleuelde vors_ mijn zeghel an dessen brief ghe~hancghen / vor mijn wijf / vor otten en_ iohanne vnzer zone en_ ghertrude vnze dochter / en_ vor al vnze erfghen_ En_ in eyne merre vestnisse / zo heb ich ghebeden / Otten van weleuelde minen broder / dessen brief myd mij to bezeghelne / En_ ich Otto van weleuelde otten zone wente my dese vors_ dinch kundich zijn zo heb ich mede mijn zeghel an dessen brief ghe~hancghen vmme bede willen johans mijns broder / en_ zijne wiues / en_ erre kindere vorghenomt / Ghegheuen jnt iaer vnses heren duzent dre + h˚ndert zeuene en_ vijftich des manendaghes na vnses heren hemel~vaert