Corpus Van Reenen-Mulder (CRM14): Oorkonde G673r35801

Wy albert . vnde Enghelbert brodere ghe~heyten van almelo knapen . be~kennet vnde be~tughet in dessen openen breue . dat wy mit willen vn_ mit v˚lbort al vnser rechten Ervende vn_ aneruende hebbet vor~coft vn_ vor~kopet redelike vn_ rechtlike tho eyne_ steden erf?ken kope . den erachteghen heren den Co_mend˚r vnde den ghe~meynen broderen des huses va_ ste_uorde van orden senthe iohannes baptisten . vnse h˚s tho gherckeshem be~leghen in den kerspele van olde_zale mit al siner tho~behoringhe mit l˚den mit torve mit twighe mit watere vn_ mit weyde also alse vnse vader vore vn_ wy na dat vorgh_ hus be~seten hebbet . vor eyne svmme gheldes de vns van den vorghenomden heren degher vnde al wal betalet is . welic hus de vorghenomden heren moghen be~sitten vnde des bruken vredelike ewelike vnde ivmbe~rmer wantte wy em dat hebbet vorkoft vor eyn vrig dorslachtich eghen g˚et em dat tho antwerue ledich vnde los vnde hebbet des vor~teghen vnde vor~tiget in dessen openen breve mit hande vnde mit mvnde . vn_ vpghelaten alsemen vrig dorslachtich eghen g˚et va_ rechte up~laten sal . in hande der erachteghen vorghenomden heren . mit al der tho~behoringhe also als vns dat tho~be~horde mit alden stucken de hir vore ghe~nomet sint . Vortmer so be~kenne wy in dessen openen breve dat wy louet hebbet mit samenderhant vn_ sekeret an g˚den tr˚wen vor vns vn_ vor al vnse rechten Ervende . den erachteghen vorghenomde_ heren . dat wy em des vorghenomden huses solen rechte warscop doen also als me_ eyn dorslachtich vrig eghe_ g˚et van rechte waren sal vor al de ghene de des tho rechte komen willet mit al der tho~behoringhe de hir vore ghenomet is . alle_hande arghelist de in dessen cope hinderen moghen degher vn_ al vet~ghesproken . dit is ghe~deghendinghet vn_ ghe~sceen . vor den erachteghen l˚den Arende van eghene . iohanne blominghe . de hir svnderekes tho ghe~beden weren . vnde vortmer vor anderen velen g˚den l˚den . Jn eyn orkvnne aldesser vorghescrevene_ stucke so hebbe wy albert vn_ enghelbert knapen vorghenomd vnse ingheseghele vor vns vn_ vor al vnse rechte_ Eruende vn_ aneruende an dessen bref ghe~hanghen . Datum (onleesbaar) (onleesbaar) (onleesbaar)