Corpus Van Reenen-Mulder (CRM14): Oorkonde G673r36201

Wj . . Vrederich van heker Ridder / doen k˚nd allen luden mit desen openen brieue daer vor v˚s is ghecoemen . . Johan van heker vnse bro˚der en_ heeft v˚s . + vpghedraghen al alingh sin goet en_ lude . also alse dat gheleghen is inder Ese / dat hie van v˚s te lene helt . welic goet en_ lude vorg_ . hie mit vnsen toedone . versat heeft . . heren . . Egberte van heker vnsen broder vor eyne s˚mma ghelts . alse vor achte hondert alder guldener scilde goet van golde en_ gherecht van ghewichte . en_ sal daer jnne sittende bliuen en_ des g˚ets en_ der lude vorg_ ghebr˚ken . thent em . die weder afgheloset wart mit dier vorg_ s˚mma ghelts . ende want wi . Vrederich van heker ridder vorg_ des vorg_ g˚ets eyn recht leenhere sint . en_ dese saken vor v˚s gheschiet sint . daer wi vnse hant en_ m˚nt toe ghedaen hebt daer ouer en_ an weren . onse ma_ne . alse . . Euerd van heker vnse broder en_ herman van voerst die olde en_ anders vele goeder lude . Soe hebbe wy vnse seghel an desen brief ghehanghen Jn eyn recht t˚ych der warheyt . . Ghegeuen jnt jaer v˚s heren . d˚sent drie + hondert . Twe en_ Sestich vp s˚nte Peters dach ad Cathedram