Corpus Van Reenen-Mulder (CRM14): Oorkonde G673r37201

Wy . . herman van losser / Coep syn broder . jutte er moder . trude er docht_ / en_ vnse recht ervend doet ku_dich allen luden dat wy hebbet ghedaen en_ verlenet doet en_ verlenet mit dezen openen breue Greten van loen zelghen herma_s wyf Gregikens den Ghysikenshof / anders gheheten Gregikenshof / mit al zine_ tobehoren alze de gheleghen is bi den dorpe to delden . to brukene tod eyner rechten lijftucht / alzo . dat wa_ner ze nicht langh en is . zo is de zelue hof w?der vp vns verledighet . Jn eyn orkond des . zo hebbe wy herman en_ Coep broder van losser / vnse zeghele an deze_ bref ghehanghen vor vns / jutten vnse moder . truden vnse zust_ / en_ vor vnsen rechten eruend En_ hebbet voirt ghebeden . Euerde van hekeren joncher tod almelo en_ amptman to der tijd in Twenthe deze_ bref mede ouer vns tobeseghelne . En_ jc Euerd vorghenomt amptman to der tijd in Twenthe . wante dit vor mj ghedeghedinghet is . zo heb jc vmme erer bede wille_ myn zeghel mede an deze_ bref ghehanghen daer mede an en_ ouer weren . alze deghedingheslude . williken van loen Greten broder vorghenomt . williken van loen willikens zone van loen en_ johan echolt . Ghegheue_ jnt jaer vnses heren . dusent . dre + hondert . twe en_ tseuentich vp su_te lambertis dach . .