Corpus Van Reenen-Mulder (CRM14): Oorkonde G673r37601

In nomine d_m___ amen . . wij Euerd van heker h_e to almelo knape Beatrix Juncfrouwe van almelo echte~luede arend vnde herberch vnse echten kindere vnde voert al vnse rechten Ervende van ervenden tot an anervende_ doen kundich allen lueden vnde bekennen openbaer med desen opene_ brieue . dat wij hebt ghegheue_ vn_ gheuet med desen opene_ brieue erflijcke ewelicke vnde ju_mermer jn dat altaer dat tor luchter ziet tot almelo in der kerchen steyt des her Mense bercherus preyster n˚ in der tijt eyn bezitter is alzoda_ne guet als hijr na bescreue_ staet Jnt yrste den hulshof gheleghen in den kerspele van oetmersem . vn_ in der buerscap van alberghe ledich vnde loes vor eyn vrieyghen med torue vn_ med twighe vnde med alle zine_ tobehorne vn_ med zine_ tienden grof vn_ smal . Vortmer Sargardinch gheleghe_ in den kerspelle van delden vn_ in der buerscap bij den broke ledich vnde loes vor eyn vrieyghen med torue med twighe vn_ med alle zine_ tobehorne vnde med zine_ tienden grof vnde smal . Vortmer dat Erve to tusuelde dat geleghen is in der vriheyt tot almelo vor eyn ledich vrieyghen med torue vn_ med twighe vn_ med alle zine_ tobehorne . Vortmer S?dinghes twe campe der eyn gheleghe_ is bij der olymolen tot almelo . vnde de ander bij heren Gherdes hues bij der straten eyns vicarius tot almelo . vn_ eyne maet gheleghen achter der coppelen vn_ eyne maet vnde twe garden de gheleghen sint bij den campe bij der olymolen med alle eren tobehorne . vnde vortmer des haken~h˚es med zine_ campen vnd med alle zine_ tobehorne alze dat gheleghen is in der vriheit tot almelo . dese vors_ tenden vn_ goede hebbe wij ghegheue_ vnde gheuet vor vrieyghene ledighe guede in dijt vors_ altaer dat ghwighet vn_ consacriret is in de ere godes vn_ vnser lieuer vrouwen zunte Johans baptiste_ zunte Johans ewangelijste_ tien dusent Merteler vnde des goden zunte anthonius de des vors_ altaers rechte patroens vn_ houeth_en sint . Jn eyn vast orkunde alle deser vors_ dinch zo hebbe wij Euerd vn_ beatrix vors_ vnse seghele an desen brief ghehanghen vor vns vor Arende vn_ herberghe vnse echte_ kindere vn_ vor alle vnsen rechte_ erve_de van ervenden tot anervende? Ghegheue_ int jaer vns heren dusent dre + hundert zes vn_ tsouentich vp zunte mathias dach eyns hilghen apostols