Corpus Van Reenen-Mulder (CRM14): Oorkonde G673r38501

Jc bertolt berninch . doe kundich allen lueden ende bekenne openbaer med dessen opennen brieue . dat ich schelde quit ledich en_ loes med dessen opennen brieue al alzodanne ansprake ende recht alze ich hadde an altinch dat ich genomen hadde med fennen zelighen . rolofs dochter altinch geleghen inder buerscap van wederden med alle sinen to~behorne ende rechte alze dat geleghen is inder buerscap van wederden vorscreue_ tot behoef Ecbertes meninch de geheten de here van avigen yden sins echten wiues ende ere eruende . wente mij ecbert ende yde vorscreue_ alzodanne ansprake ende recht of~gemodet hebbet alze ich anden vorscreue_ goede ende Erue tot altinch med sinen tobehorne hadde v_me eyne Su_me geldes se mij tot goeder tijt wijtlicke ende wal betalet hebbet ende en~kenne dat ich an dessen vorscr_ goede en_ erue tot altinch gheenrehande rechte ofte ansprake en hebbe_ ich ofte myne eruende wente wij daer of verteghen hebbe_ med richte ende med rechte alze wij med rechte solde_ Jn eyn orkunde ende vestenisse alle desser vorscreue_ dinch wente ich bertolt vorscreue_ op de tijt selue_ gheen segel en hadde so hebbe ich gebeden Euerde van heker here_ tot almelo knape_ Arende van Grimberge Ecberte van Grimberghe ende Gerde van beruorde dessen . brief ouer mij to besegelne wente se desses rechte dedinges~luede weren . ende wij Euerd Arend Ecbert en_ Gerd vorscreue_ wente ons desse dedinghe witlic ende kundich sin so hebbe wij v_me bede wille_ bertoldes vorscreue_ onse segele an dessen brief gehanghe_ Gegheuen inden jaer ons here_ dusent drie h˚ndert vijf ende tachtentich op zunte bonifatius dach m_r_____