Corpus Van Reenen-Mulder (CRM14): Oorkonde G673r38701

IC Sweder van Rechtere_ doe kont en_ kenlic allen l˚den dat ic bij rade en_ g˚etd˚ncken minre mage en_ vrende ouer~dreghen bin eens hilix mit here_ zeger van gruysbeke here tot hoemen jn maniere_ en_ vorwa˚rden hiir na bescreue_ dat is te wete_ / dat ic Sweder vors_ nemen sal tot enen echten wiue jonfrouwe fyen dochter heren zeghers vors_ en_ sal da˚r mede hebbe_ in medeghauen acht + en_ + twintich hondert gulden van mu_ten Shertoghen van gelren of Shertogen van hollant alsulke gulden als vp dach date des breues ghenge en_ geue siin of g˚et payment daer vo˚r als vp date des soluen breues genge en_ geue were / ofte ghelic payment da˚r vo˚r na date des solue_ breues vo˚r de vors_ g˚ldene / van welker su_me gelts vors_ her zeger vors_ of siin erue_ mi betalen soelen Sestien + hondert g˚lden der vors_ payen vp s˚nte martins daghe in den winter neest to~come_de / en_ de ander twelefhondert g˚lden der vorg_ payen van s˚nte johans dage baptiste to midsomer neest to~come_de ouer een iaer da˚r na neest volge_de en_ of her zeger vors_ of siin erue_ dan de vors_ twelefhondert gulden nyet en betalden so moghen sy die beholden een iaer lanc v˚m haueghelt en_ nyet langer / en_ mit desen vorg_ gelde soelen wij sweder en_ fye vorg_ tot mani_gen here_ zegers vors_ of sinre erue_ vertyen vp alle g˚et dat oer a˚n~verstorue_ is ouermids dode oerre moder / Vo˚rt eest geuorwert dat ic sweder vorg_ tot mani_gen here_ zegers vors_ of sinre erue_ dit vors_ gelt beleggen sal a˚n g˚ede_ erfnisse en_ rente_ die hern dideric van apeltaren / hern hinric van der strate_ / winande van arenhem en_ johan mompelier van ouerhage d˚nken soelen dat g˚et ghen˚ych siin vor dit vors_ gelt . en_ dat erue also vestigen dat dat jonfrouwe fyen vors_ en_ oere_ erue_ to lant~recht vast en_ stede si na den hilix vorwa˚rden hiir na bescreue_ / vo˚rt eest geuorwert dat ic Sweder vorg_ jonfrouwe fyen vorg_ maken sal tot oerre rechter lijft˚chten twe + hondert en_ tachtentich g˚lden tsiars der vors_ payen tot mani_gen here_ zegers vors_ of sinre erue_ a˚n g˚den erfnisse en_ g˚de_ die daer g˚et vo˚r siin en_ oer de t˚chte also vestigen dat oer to lant~recht vast en_ stede sy . vo˚rt eest geuorwert of sake were dat ic sweder vors_ afliuich w˚rde eer jonfrouwe fye vorg_ were wij witlike gebo˚rte tesamen hadden of nyet en hadden dat dan jonfrouwe fye vorg_ weder en~wech voren mach mit oerre medegaue_ en_ liift˚chte_ en_ mit oerre_ vrouliken cleynode / en_ mit alle_ g˚ede dat van oerre weghene da˚r come_ were ongeleet en_ vnghehindert en_ sonder enich sc_lt te talen : vortm_ eest geuorwert of jonfrouwe fye vors_ afliuich w˚rde eer ic Sweder vorg_ en_ en~gheen witlike gebo˚rte after en lyet / so sal de medegaue vors_ en_ dat g˚et da˚r sy a˚n beleghet were en_ vo˚rt alle g˚et dat van oerre weggen da˚r come_ were weder come_ an oer rechte erue_ en_ dan dat come_ were loss en_ ledich onghehindert en_ onbelet en_ sonder e_nige sc_lt te talen / alle argelist ferpel beheyndicheit en_ vonde vytgheseget jn desen p˚nte_ vors_ . En_ weret sake dat her zeger vors_ of sin erue_ e_nich gebrec kregen in enigen p˚nte_ of vorwa˚rden vors_ die ic sweder vorg_ hem sine_ erue_ of jonfrouwe fye vors_ doen sal na ingheholt der vorg_ hilix vorwarde_ / so hebbe ic Sweder vors_ als een pri_cipael zaecwolt . En_ wij borgen alze wolter her van vo˚rst en_ van keppele / herman van vo˚rst de olde frederic van rechter . dideric van vo˚rst here_ roderikes sone / winolt va_ arnhe_ / herman van vo˚rst de j˚nge . johan van vo˚rst heren diderikes sone / frederic van der eze here_ jacobs sone dideric van haecuo˚rde en_ Euert de rode van heker alze gude borghen hebben ghesekert en_ ghelaeft in g˚den trouwen tot mani_ge_ heren zegers vors_ sinre erue_ of oerre e_nichs bode jn te come_ tot arnhem in een herb_ge die ons van oerre e_nich bewist w˚rde jc Sweder vorg_ mit enen g˚ede_ man tot mi en_ mit tween perden of ic mach twe g˚ede man mit tween perden vor mi sende_ En_ wij borgen vors_ ons_ yghelic mit enen perde of ons_ yghelic mach enen g˚ede_ man mit enen perde vor hem seynden die ons solue_ euen costlic wese_ soelen al~daer te liggen en_ te leiste_ als ber?e lude plegen Oeck mach her zeger of siin erue_ enen g˚ede_ man mit enen perde in die vors_ herberge leggen die ons daer in waerdeynt en_ wacht die wij ghelic ons solue_ vyt der vorg_ herb_ge quieten soele_ En_ ons_ gheen en sal vyt der vorg_ herb_ge en_ leistinge scheide_ in gheenre wijs h_en zeger vors_ sine erue_ of den ghene_ dyes noet were en_ vere irst alentlic ghe gheschiet van den gebreke da˚r wij vp ghemaent were_ En_ oft sake w_e dat van ons borgen vors_ e_nich afliuich w˚rde / so sal een ander also g˚et borge weder in des doden stat ghesat werde_ tot mani_gen here_ zegers vors_ of sinre erue_ of oerre e_nichs bode onder de pene der leistinge vors_ Jn orkonde der wa˚rheit alle der p˚nte en_ uorwa˚rde vors_ hebbe_ wij zaecwolt en_ b˚rge_ vors_ onse Segele an desen brief ghehangen gegeue_ int iaer vnses here_ d˚sent dre + hondert tsouen + en_ + tachtentich des nasten vr?dages na onses here_ hemeluardes daghe . .