Corpus Van Reenen-Mulder (CRM14): Oorkonde G677r38001

Jch Jacob van den tye Elzike mijn echte wijf Jacob vnse sone vn_ vord al vnse erfg_ doet ku_dich allen luden dat wy myt vnsen vryen willen vorkoft hebb_ vnde verkopet met dessen breue Arende Ecberti_ch vn_ sinen erfg_ ofte we holder is desses breues met oren willen alsodanen tins alze dat danhues plach iaerlikes te gheuene in vnse goet ten nyenhues dat beleghe_ is in der buerscap van Alberghe vn_ in den gherichte van oetm_sem vm eyne su_me va_ ghelde dye vns wal betaelt is . vn_ des oelden tinzes sal dat danhues vors_ vord vry vn_ loes vn_ quijd wezen de_ dat danhues plach to gheuene . men iaerlikes sal dat danhues gheue_ vn_ betale_ vp medewinters auend vp de were ton nyenhues vors_ eyne_ pe_ni_ch to tinze alze to mu_ster ge_ge en_ geve is vn_ nicht meer . vordm_ so heb wy hijr va_ vorteghe_ met ha_de vn_ met mu_de vor hi_rike tor steghe_ richt_ to der tijd tod odm_sem daer he met kornoten sat to gherichte in eyne_ ghehegeden heymale als wy myt rechte solden . vn_ beke_net met dessen breue dat wy noch vns erfg_ noch wes dat nyehues tod alberghe is nirhande recht oft ansprake meer an enhebb_ an den oelden tinze ton danhues ofte an towachtene sin dan enen pe_ni_ch iaerlikes to betalene op de were ton nyenhues vors_ alze vors_ is . vordm_ so sole wy vn_ vnse erfg_ Arende en_ sine_ erfg_ ofte we met sine_ wille_ holder were des breues desses vors_ kopes rechte waerscap doen tod allen tyde waneer se des to doene hebb_ vor al deghene dees to rechte kome_ willen . vetghesproken al . + arghelist Jn en vast oerkund desser dinch so heb ich Jacob vor my vor Elzike_ mijn wijf vor Jacobe mynen zone vn_ vor alle vnse erfg_ mijn zeghel an dessen breef ghehanghen . vn_ in en merre tuch der waerheyt so hebbe wy ghebeden hi_rike tor steghen richt_ tod odm_sem to der tijd desen breef mede ouer vns tobezeghelene . vn_ ich hi_rich vors_ wante alle dese dinch vor my ghesceen sin daer ich sat to gherichte in enen ghehegheden heymale vn_ mijn oerku_scap vp vntfangen hebbe so heb ich vmme bede wille_ va_ beyde_ zide_ mijn zeghel mede an dese_ breef geha_ge_ . dar mede an en_ ouer w_en alze kornote_ . Gherd va_ beueruorde . bere_t ouerhof Gherd de bodeker vn_ a_ders guder lude ghenoech . Ghesceen jnt iaer vns h_en duse_t dre + hu_dert vn_ tachte_tich vp zu_te mertens auend in den winter