Corpus Van Reenen-Mulder (CRM14): Oorkonde G697r35601

wij henric van den laere / daye onse echte wijf / doet kundich allen den ghenen de desen brief solen Sien aft hore_ lesen ende enkennet des openbaer / dat wij hebt vercoept ende vercopet rechte en_ redelike henrike br˚ns Soene van almelo en_ sine_ rechte_ erfghename_ / erflike en_ vmmermeer / den teende_ ouer g˚d to vdinc / den teende_ ou_ dat g˚d toer plecht / den teenden ouer dat g˚d to wetherdinc ende den teenden ouer de koete de daer jn horet / smael ende groef aels ouer der drier h˚se teenden / gheleghen jn den kerspele to Rysnen / ende in der burscaep tot Enthere / ende louet em der to waere_ vor ael de ghene de es to rechte comen / + wilt ende louet em oec de verholden jn rechter leenscher were aen den h_en daer se van r˚ret / bed der tijd / dat et de vorseide henric afte Sien eruent vorgaen k˚nnen / so sole wij se em vp~dreghen en_ bidden den h_en dat he se em beleent / ende macht hebben to den zelue_ rechte als wij se vntfangen hebbe_ als to des stichtes leene / vortm_ so loue wij em deser vorseide_ teenden vortyen t˚schen hijr en_ sente johans misse to midden~Somere naest komende hijr vore heb wij em to borghe_ ghesaet / hermanne van zudena ende alberte van den laere / des wij herman en_ albert enkenne_ dat wij vor henrike van den lare ghelouet hebt he mid vns en_ wij mid em / ende louet en_ zekert an guden trowe_ mid ghesamenderhant / weret dat de vorseide henric va_ almelo afte Siin recht eruent jenich hinder aft ghebreech neme_ aen desen vorscreue_ vorwarde_ so loue wij binne_ dreen daghe_ na eerre mani_ghe jn~come_ tot aldenzale / en_ ligge_ daer ende leesten vp ons zelues vordoen afte elic onser mach enen vor em leggen / daer cht hen to come_ / de vorwart en were em gheleestet / ael arghelijst vet~gheseghet / Jn orkunt en_ becantnisse ael deser vorwart / so heb wij / henric albert brodere van der laere en_ herma_ va_ zudena desen breef bezeghelt mid onsen zeghelen / den wij daye vorseit bruket vp dese tijd / went wij neen eghen zeghel en hadden . Ghegheue_ jnt jaer ons here_ d˚send . dree + hundert Sees ende vijftich des naeste_ daghes Nyen~jaers