Corpus Van Reenen-Mulder (CRM14): Oorkonde G697r38502

Jc Coep ton houe eyn ghesworen Richter tot Ryseme_ in der tijt myns here_ vtrecht . Doe kundich . alle_ lueden en_ bekenne openbaer med dessen openen brieue dat vor mij is gekomen daer ich to gerich in eyne_ gehegheden heymale med mijnen kornoten alze ich med rechte solde bertolt bernynch ende ghench daer vyt vor my al alze~danne recht en_ ansprake alze he hadde an altinch gelegen inder buerscap van wederden ende inden gerichte van risenen med alle sinen tobehorne ende droch dat vorscreue_ altinch vor my op med hande_ en_ med Munde alse he med rechte solde Ecberte Me_ninch de geheiten is de here van avigen yden sinen echte_ wiue ende ere_ eruenden ende bekande voret inden selue_ gerichte dat he ofte sine eruende daer gheenreha_de recht an en hadde_ wente vm de vorscreue_ Ecbert yde en_ er eruende alle sine ansprake en_ recht of~ghemodet hadde_ v_me eyne Su_me gheldes des he Oeck vor my bekande dat se vm de Oeck to goeder tijt wytlicke ende wal betaelt hadde_ ende wante desse vorscreue_ articule en_ p˚nte vor my ghescheen sin daer ich sat to gericht in eyne_ gehegheden heymale met mynen kornoten alze ich med rechte solde alze med Eu_de hughinc Arende h˚mbertinch iohanne tor lynden en_ koniken alze rechte kornoten en_ wy onse orkenscap hiir op vntfengen so hebbe ich Coep vorscreue_ tot eyne_ rechte_ t˚ge der waerheit myn Segel an dessen brief gehangen (onleesbaar) (onleesbaar) (onleesbaar)