Corpus Van Reenen-Mulder (CRM14): Oorkonde G697r39401

JC Henric roerinc een gheswore_ richt_ inder tiit miins heren van vtrech in den gherichte van Rysen kenne en_ t˚ghe in desen apenen breue dat uor my is ghecomen Rolef die ruwe daer ic Sat toe gherichte in enen ghehegheden heimale m_ Schepenen en_ mit kornoten die hiir na bescreue_ Staen en_ kende openbaer dat hie hadde vercoft Stedes copes m_ Syne_ vrien willen ewelike en_ o_mermeer den tienden toe wassing in der b˚erschap van elsen en_ inden kerspele van _ysen grof en_ Smal m_ al Synen oelden toebehoer omme ene Su_me gheldes die om witlike en_ wal betaelt weer toe goeder tijt en_ dede daer rechte vertichnisse en_ oplatinghe vor om en_ vor Synen rechten eruenden als hij m_ rechte solde en_ als om m_ rechte en_ mit ordele toe~ghewyset waert toe behoef johans b_terems johans zone b_trems en_ en~kende openbaer dat hie of ziin rechte aneruenden an den vors_ tienden gheenrehande recht meer en hadden of nu_mermeer an wachtende en Solden wesen en_ ic roelf die ruwe en_ miin rechte aner_ende vorscr_ kennen en_ tughen al dese vorscr_ Saken en_ lauen Sie stede en_ uast te holden en_ lauen johanne vorscr_ deses vorscr_ tenden te waren hoe men eens rechten erfcopes te rechte waren sal vor my en_ vor myne aneruende en_ uor al die ghene die des toe rechte come_ willen al arghelist en_ nye vonde hiir wtghesproken hiir weren an en_ ouer gheert beryes h_men bonekeerl gheert Spyker alse Schepenen Coep ton haue en_ henric tancken als kornoten en_ anders goeder lude ghenoech En_ op~dat dese vors_ pu_ten stede en_ uast blyue_ Soe heb ic roelf vors_ vor my en_ vor erfghename_ min zeghel an dezen brief ghehanghen en_ Omme meerre vestnisse wille Soe hebbe ic ghebeden henrike roering vorscr_ desen apene_ brief mede ouer my te beseghelen En_ ic henric vors_ omme bede wille_ roelues vors_ went dit uor my gheschiet is en_ ic miin orkenschap hiir op ontfenc hebbe miin seghel mede an desen brief ghehanghen Ghegheue_ jnt jaer ons h_en dusent drie + hondert vyue en_ neghentich des naesten daghes na Su_the andrieses daghe eens hillighe_ apostels