Corpus Van Reenen-Mulder (CRM14): Oorkonde G697r40001

Jch johan van doernic doe kundich allen luden bekenne ende betughe openbaer med dessen apenen breue voer my ende voer mynen rechten erüenden dat ic med mynen vryen moet~willen ende med mynen gueden berade by rade mynre vrende ende maghe hebbe vercoft ende vercope stedes erfcopes erflic ewelic ende v_mermeer med dessen apene_ brieue miin güed ende erüe to zendering med torüe med twighe med water med weyde ende med alle sinen olden ende nyen toe~behorenne aling ende heel alse dat gheleghen is inden gherichte van rysene ende inder büerscap van wederden welc güed ende erüe voerg_ my an~gheuallen is van broder~schedinge ende van mynen vaderliken ende moderliken erüe Jden roleues dochter altinc die wijf was des heren van aüioen den god ghenedich sy ende johanne horre twier echte sone vnde alle horen rechten erüenden voer een doerslachtich vry eyghen güed vmme eyne su_me gheldes die my jde ende johan voerg_ to güeder tijt witlike ende wal betalt hebt daer my doe an ghenoghede ende vmmer an ghenoghen sal welc güed ende erüe voerg_ ich hebbe verteghen vp~ghelaten ende vp~ghedraghen med hande med münde med ordel med rechte alse ich med rechte solde ende daer ich med rechte solde Alse voer brüne van hederike een ghesworen richter myns heren van vtrecht inder tijt toe rysene also dat ich vnde myne erüende daer neerleyge recht noch ansprake an en hebben noch an toe wachten solen wesen nae datüm desses breefs nü of nu_mermeer ende loüen jden ende johanne vorg_ vnde alle horen rechten erüenden ende an~erüenden deses voerg_ güedes toe waren voer een vry eyghen voer my voer myne broder ende voer alle mynen rechten eruenden ende voer alle die ghene die des toe rechte comen willet hoe men eens vry eyghens toe rechte waren sal wanner vnde waer vm des toe doene is vp vnses selues cost ende scaden alle arghelist old ende nye vünde schoringe of holinge desses breues quessinge der seghelen vnde alle saken die jden ende johanne hiir ynne toe hinder moghen comen degher ende al vyt~ghesproken jn een tuech der waerheyt vp~dat desse voerg_ cop stede ende vast bliue voer my ende voer alle myne erfghenamen soe hebbe ich johan voerg_ myn seghel an dessen breef ghehanghen ende vmme eenre merre vestnisse willen deses voerg_ copes soe hebbe ich ghebeden brüne richter inder tijt voerg_ dessen breef mede oüer my to beseghelene ende ich brüen voerg_ vmme bedde willen van beyden tSiden want alle desse voerg_ dinghe voer my ghescheen sin daer ich sat toe gherichte in eynen ghehegheden heymale med coernoten ende richtes~luden alse ich med rechte solde alse eüerd van langhen goderd van langhen ende wolter van südennae vnde ich med dessen voerg_ coernoten myne orkenscap hiir vp vntfenc daer ouer ende an weren eüerd huging coop ten hoüe herman bonikerl ende bernd coüiken ende anders güeder lüde ghenoch die dijt mede seghen ende hoerden ende dessen voerg_ cop hoüen ende droghen soe hebbe ich brüen voerg_ min seghel alse een ghesworen richter myns heren van vtrecht tod enen tughe der waerheyt mede an dessen breef ghehanghen ghegheuen ende ghescreuen jnt jaer vnses heren dusent vyer hondert vp vnser vrouwen auent toe lechtmissen gheheten i_ latino purificatio -