Corpus Van Reenen-Mulder (CRM14): Oorkonde G707r36001

Jc . . Matheus van Sconeuelde . do kundich allen luden de dezen bref zolen zeen of horen lezen . ende betughe openbare in dezen breue dat jc met willen ende met vulbort . . Oden myns echten wyues . ludolues myns zones . ende al myr rechten eruende hebbe redelike ende reckelike verkoft stedes eruekopes . . heren . Arende van essche Canonike tod aldenzale . heren Steuene van essche Canonike tod Elst . ende hoelder dezes breues mit eren willen . den hof to hadema_ninch de oec gheheten is de hof to lindelo alzo alze he beleghen is in den kerspele van aldenzale mit luden mit torue mit twyghe vnde mit aller slachtern˚t / vnde met al syner oelden tobehoringhe . ewelike en_ erflike to hebbene en_ tobesittene vmme vyftich marc pe_ninghe alzo n? in date dezes breues ghenghe en_ gheue zint in der stad to m˚nstere de mj witlike en_ wal betalet zint vnde jc matheus vorghenomt ende myn recht eruent zolen . heren Arende heren Steuene en_ hoelder dezes breues / vorghenomt hoelden in rechter lenscher were des vorghenomden houes van den heren de he van roert / su_der eren schaden bet alzo langhe / dat ze / ofte hoelder dezes breues vorghes_ dat moghe_ verghaen / an den heren / daer de vorghenomde hof van roert . dat he ze daer an belene . ende wa_neer / de vorghenomde her arend en_ her Steuen / of hoelder dezes breues met eren willen . dat moghen verghaen an den heren zo sal jc matheus . . ludolph myn zone of myn recht eruent de dan myn leenvolgher is komen / met em vor den leenheren vnvertrecket . wa_neer ze des van vns begheret . ende vertyen des vorghenomden houes en? bidden den here dat he ze daer an belene . Voertmeer zo zal Jc matheus ludolph myn zone en? myn recht eruent hern arende en_ heren Stephane of hoelder dezes breues vorgesc? des vorghenomden houes rechte waerschap doen vor al de ghene de des to rechte komen willet ledich en_ loes Voert zo heb jc matheus vorghenomt des vorghenomden houes . met luden . met torue . met twyghe met aller slacht_n˚t . met al zine_ oelden rechten tobehorene ende met al zinen oelden rechte dat daer in roert en_ hoert / verteghen en_ . + vpghedraghen Hern Arende heren Steuene en_ hoelder dezes breues vorghenomt erflike en_ ewelike to hebbene en_ tobezittene vor Claweze van heghehuzen eyne_ ghesworenen richt_ tod aldenzale . daer he zat in gherichte en_ jn ghehegheden heymale . en_ zine orkenschap vp vntfengh . met alle_ vertichnissen en_ vplatinghen alze daer tobehoert en_ alze recht is . voert zo loue jc matheus vor Oden myn wijf . en_ ludolue myne_ zone vorghenomt dat ze zole_ komen jnt gherichte tod aldenzale . en_ zole_ daer des houes vorghenomt vertyen vor den richt_ de daer dan richt_ is in allen maneren . alze jc des verteghe_ hebbe . wa_ner . her arend . her Steuen of holder dezes breues des begherene zint / en_ vnvertrecket . en_ daer zal jc . ofte de ghene de dan myns zones monbar were / weret / dat jc nicht en were . vnse hand en_ mu_t to doen . En_ al deze vorwart vorghescreuen loue jc matheus en_ zekere an guden trouwen stede en_ vast to hoeldene en_ to leestene in alle_ maneren alze vorghescreue_ is . su_der ienigherhande . + arghelist . jn orku_de des zo heb jc matheus vorghenomt myn zeghel an deze_ bref ghehanghe_ vor mj Oden myn wijf . ludolue myne_ zone en_ vor myne_ rechten aneruent . En_ hebbe vort ghebeden Claweze den richt_ vorghenomt . dat he deze_ bref wille mede ouer mj bezeghel_n . Ende want jc clawes richt_ vorghenomt myne orke_schap hiir vp vntfengh daer dit vor mj Schede jn heghede_ heymale . zo heb jc vmme bede wille_ van beyden Siden myn zeghel mede an deze_ bref ghehanghen . Hijr weren an en_ ouer . alze rechte kornothen en_ winkopeslude henric van almelo johan van awic arend ludgers ludiken werenboldes wolter borre ludiken grawert gherd grawert bolto tor lowic . johan poppe . en_ anders goder lude ghenoech Ghescheen en_ ghegheuen jnt jaer vnses heren . dusent . dre + hondert . sestich . vp su_te lucien avent