Corpus Van Reenen-Mulder (CRM14): Oorkonde G707r39001

Jc , Geerlich van Dezenberghe , anders gheheten Pazie , ende Locke myn echte wijf , maken kund allen luden med desen breue , dat wy p˚erlike om Godes willen ghegheuen hebt ende gheuet in desen breue vor onse zelen den aermen luden in des Hilghen gheestes hues tod Aldensale , de daer inne wonachtich sint , een molt gudes winterrogghen bij der oelden Aldensaler marketmathe iaerliker pacht uyt onsen gude gheheten Zegherdinck ende uyt siner tobehoringhen gheleghen in den kerspele van Degeninchem in der b˚rschap to Noertdoerninghe , to hebbene ende to besittene ende iaerlix up to borene erflike ende vmmermer , med weliken molt rogghen men iaerlix den aermen luden de in den Hilghen geeste sint sal copen herinc teghens de Vastene ende andere spise daer men de aermen mede spisen moghe , ende hebben daer + up vorteghen alse wy med rechte solden vor Sander Bertrams , in der tijt richter tod Oetmersem , daer he sat to gherichte in eynen ghehegheden heymale ende sinen orkund up vntfengh , med allen vortichnissen ende uplatinghen alse daer + to behoerden . Welic molt rogghen deghene de dat vorscreuene guet telen ende bouwen of sic des vnderwinden of siner tobehoringhe een deel of al solen den aermen luden of we er verwaerre is alle iaer leueren ende betalen up den kerchof to Degheninchem tusschen sunte Mertene in den wintere ende medewinter . Weerd dat se des nicht en deden , so moghen de vorscr_ aermen lude of oer bode dat vorscreuene molt rogghen of wes em daer + an embreket alle iaer uytwinnen med gheesteliken rechte of uytpenden med werliken rechte , vnvorvolghet ende vnvorclaghet , weliker se willet uyt den vorscr_ gude ende van denghenen de dat guet telet of bouwet of sic des ende siner tobehoringhe vnderwinden een deel of al ghenigherley wijs . Ende biddet alle richtere gheestlic ende weerlic , wanner de vorscr_ aermen lude of oer bode des van em begheren of se daer + to eeschen dat se em de uytwinninghe ende uytpendinghe wilt helpen doen alse vorscreuen is . Vortmer so solewy ende onse ervende den vorscr_ aermen luden des molt rogghen pacht rechte waerschap doen vor al deghene de des ten rechte comen willet . Alle arghelist in desen breue uytghesproken . Jn orkunde deser dinghe , so heb ic , Gheerlich vorghenomt , mijn seghel an desen breef ghehanghen , vor my , vor Locken myn echte wijf vorscr_ ende vor onse rechten ervende . Ende tod eyner merren vestnisse so hebbewij voert ghebeden Sander Bertrams den richter tod Oetmersem vorghenomt , dat he desen breef mede over ons beseghelen wolde med sinen seghele . Ende ic Sander Bertrams , in der tijt richter tot Oetmersem vorscr_ want alle dese dingh vor my ghescheen sint , daer ic zat to gherichte in eynen gehegheden heymale , daer ic mynen orkund up vntfengh , so heb ic vmme bede willen van beyden siden vorscr_ myn seghel mede an desen breef ghehanghen , daer mede an ende over weren alse rechte kornothen ende gherichtes~lude Willem Rorningh , Herman Bertram ende anders guder lude ghenoech . Ghegheuen int jaer onses Heren dusend dre + hundert ende neghentich up sunte Peters dach ad Cathedram .