Corpus Van Reenen-Mulder (CRM14): Oorkonde G707r39301

Jc henric van ouerhaghen richter in der tiid tot aldensale make kunt allen luden met dessen breue / dat vor my is ghecomen dar ic zad in gherichte in ghehegheden heymale . herman zelighen Johans zone ton Gherkessem / en_ heuet daer met zinen guden moetwillen med hande en_ med munde vp~ghedraghen en_ verteghen aller ansprake ende rechtes dat he hadde of wachtene was an den gude ton Gherkessem in hant hern henricx van den toerne ordens sunte Johannis Scheffeners des huses van Stenvorde to behof ziins orden en_ des huses vorscr_ Jn alsodanen vorwarden dat herman vorscr_ met willen hern henricx van weghene ziins orden vorscr_ en_ v˚lbaert / mach dat guet ton Gherkessem voerscr_ teyn Ja˚r nu naest komene na data desses breues telen en_ bouwen vmme zine oelden pacht als vm veerteyn schepel rogghen marketscoens korens / de alle jaer tho betalene vp zunte mertens dach in den winter / tho Stenvorde vp zine eghene kost by stenvorder mathe / voert zint vorwarde / wen des andern vordrot en_ zier enslaghen wolde wesen na den teyn jaern vorscr_ de zal dat den andern een half jaer vor vp~zegghen als tho paesschen dat zit @ malk daer binnen moghe verzeen / dat guet ton Gherkessem vorscr_ binnen desser tiid nicht tho verergherene al arghelist vitghesproken hiir weren an en_ ouer alse rechte kornoten Arend poppe williken van losser en_ anders guder lude ghenoch jn eyn tuech der warheyt zo heb ic henric vorscr_ vm bede willen van beden p_tien myn zeghel an dessen breef ghehanghen Ghegheuen int jaer vnses hern d˚sent dre + h˚ndert dre + en + tneghentich des gudens~daghes na der eluen + dusent meghede dach