Corpus Van Reenen-Mulder (CRM14): Oorkonde G734r34101

Allen den ghenen de dessen brees @ zolen zeen of hoeren lezen / do we . . albert de langhe ?chtere van . . Enschede . . ende . . Euesse miin echte vrouwe / verstaen / ende betoghet openbaere in dessen breue / dat we endrachtichlike / ende met ghehenghnisse . . johannes . . obbeken . . fennen . . Euessen heynen . . ende sweniken vnser kindere ende voert~meer al vnser rechten erfghenaemen / hebbet vercoft redelike / ende rechtlike haren . . albrechte van vlenbroeke den cu_meldoere / ende voert~meer den menen broederen des hu!ses to stenvoerde van sente . . joha_nes oerde dat goed dat gheheten is ter ybbikincmoelen dat gheleghen is in den kerspele van . . Enschede / med torue / med twyghe / ende med aller slachter n˚d alsed gheleghen is / ende med den l˚den de to den goede hoeren alse . wernere ende ghesen de echte~l˚de sin / ende med al eeren kinderen / sunder . he_nikune ende . . Euessen de daer eer desser tiid van vercoft weeren / als vmme . . veertich marc pe_ninghe de genghe ende gheue weren in den stichte van v!trecht / de vns w˚l ende al ende wal betaelet sin . ende dad voerghenoe_de goed ter ybbikincmoelen / med torue / med twighe / ende med aller slachter n˚d alset gheleghen is ende med den l˚den loeden de daer toe hoeret ende de hiir voerghescreven staed hebbe we . . albert de langhe / richtere to Enschede . . Euesse miin vrouwe . . johan . . obbeke . . fenne . . Euesse . . heyne / ende . . swenike / vnse kind_e / ende voert~meer al vnse rechte erfghenaemen voerghenoemd den cu_meld˚re . ende den menen broederen van stenvorde voerghenoemd / vpghelaeten / voer den gherichte to Enschede / alse voer . . Maurissese br˚ns zoene van almelo de daer een ghekoeren richtere was / ende den we . . albert de langhe voerghenoemd / van ghehenghnisse der heeren ende der broedere van stenvoerde satten in vnse stede / ende voer heynen ter lynden . ja?e wepelinc ?ekine ter beke . . lubberte ter wyneh˚s . . gheerde den smede . . ende joha_ne ?oppe de do scepene weren der poerten van enschede / ende laeted vp alghemeyne in dessen bre? ? we bi rechte sin sculdich vp te laeten dat goed ter ybbikincmoelen voerghenoemd / voer ? recht vry eyghen goed / erflike / ende / ewelike to besittene ende to br˚kene / voert~meer so bekenne ? . . albert de langhe ende mine rechte erfghenaemen voerghenoemd . in dessen breue / dat we den cu_meld˚re ende den broederen des h˚ses to stenvoerde voerghescreuen des godes ter ybbykincmoelen voerghenoemd / med torue / med twighe ende med aller slachter n˚d ende med den l˚den de daer to hoeren gheloeuet te warene voer eyn recht vry eyghen goed in al der maneere alse we dat coften ende mend vns ghelouede te warene / een jaer ende ses weken na date desser ieghenwoerdighen breue voer alle de ghene dees te rechte willen koemen alse men van rechte een recht vry eyghen goed sculdich is te warene / hiir an ende oeuer hebbet ghewesen . . Mauricius br˚ns soene van almelo de daer was een ghekoeren richtere alse to dessen stucken ende de scepene de hiir voerghescreuen staed de daer er oerc˚nd vp ontvenghen . . vrederic van loen knape . . werense ter linden . . Rotgher de greue . . ende johan v˚st coernoeten ende anders vele goeder l˚de ghenoech de daer an ende oeuer ende to gheroepen woerden . . ende want ic albert de langhe richtere voerghenoemd negheen inghezeghel en hebbe so hebbic ghebeeden de scepene van enschede dat se dessen breef med eerres stades zeghele vmme minen ende miire erfghenamen bezeghelen willen . . ende we scepene der poerten van Enschede voerghenoemd want we an dessen stucken de hiir voerghescreuen staed an ende oeuer hebbet ghewesen so hebbe we vmme bede willen albertes des richters voerghenoemd ende siirre erfghenaemen ende vmme bede der heeren van stenvoerde dessen breef vmme de meerre vestnisse bezeghelt met vnser poerten van enschede inghezeghele . . Ghegheuen jnt jaer vns heren d˚send dre + h˚ndert ende een ende veertich vp sente vrbaens dach -