Corpus Van Reenen-Mulder (CRM14): Oorkonde H014p33901

Jan lennoit Jacop bertolf _ jans / gillis Cauwe / jan Coelewey / Ende wouter Eppe . . Wie scepen_ jn + den dam doen te wetene allen lieden dat Cam vor ons als vor scepene_ willem de duvere Ende gaf halm en_ wettelike ghifte ghiseline be?en van Enen haluen huze ende land der toe behorende staende in de kercstrate tusschen den huze dat men heet ten scake daer france bernard nv ter tijd jn woend af E?e zide En_ den huze (onleesbaar) vellemakers was af ander zide / Ende willem de duvere vors_ belouede Ende w?de ghizeline esten tvors_ halue huus en_ land der toe behorende te warandeerne e te wetten te waerne tieghen Elken meinsche met zesse ponden En_ vichtiene sceleghen paris_ aerueliker renten thuus algeheel gheldende siaers te zinen rechten landCeinze / ende zij verlieden an beden ziden en_ verclaersden bi haren Eeden dat tvors_ halue huus en_ land der toe behorende vercocht was Ende ygheue_ o_me zeuen pont groter tour_ / waer of willem de duvere vors_ vor ons hem wel ghepayt hilt / jn kennessen der wareid hebben wie scepen_ vors_ deze l_re bezeghelt met onzen zeglen vthanghende / dit was ghedaen / jnt jaer ons heren als men screef M˚ CCC dertich en_ neghene vp den achtienste dach van nouembre .