Corpus Van Reenen-Mulder (CRM14): Oorkonde H036p30202

@ @ DJE @ . . Raed / ende al die . . Ghemeentucht van der stede van Brugghe / Doen te + wetene alllen den ghuenen die dese lettren sullen zien @ jof horen lezen / Dat wie sculdech sijn Onsen lieuen vrient / Anthonise ser Ghiselbrecht zuene van Duerdrecht / honderd ende zeuentech pond vlaemschs paiements / alsulc als nu gghinghe ende gaue es / ende deen coepman den andren betaelt / die hie Ons leende van sinen pro-pren catheilen in goeden ghereden peneghen ende wel ghetellet / tonsen versouke / ende tonser noed . Die welke peneghe wie hebben be-kert ende bestedet int openbare profijt ende orebare van Ons alen ende van der stede van brugghe vorseit . Die welke wesende peneghe @ wie belouen ende sijn sculdech te gheldene / alle / ende elc van Ons allen ouer al den vorseiden Anthonise jof sinen zekeren bode die dese lettren @ bringhen sal binnen der stede van Brugghe / te tween paiementen . Dats te + wetene / dene helt te half Ouste eerst comende / ende dander @ helt te sinte Baues messe daer naest comende / in alsulken paiemente alst es vorseit jof ten vorseiden terminen ghinghe ende gaue @ wesen sal binnen der stede van Brugghe . Ende ware dat sake dat wie waren in defaute van den vorseiden paiementen / waerd van al + jof @ van zom / dat allen cost ende scade / die hie doen soude ende hebben bi onser defaute / Omme sine vorseide peneghe te ghecrighene ende te heb-bene jn so wat manieren dat het ware ; belouen wie ende sijn sculdech hem te gheldene ende te restorerne @ vp sijns selues segghen sonder ander @ preuue met der principaelre scult vorseit . Ende Omme alle dese vorseide dinghe wel ende loyaellike te houdene ende te wlcomene so binden @ wie Ons allen ende elken van Ons allllen ouer al / ende al Onse goed so waer dat ment vinden mach . Vord so gheuen wie den vorseiden Anthonise zeker Conduut ende vri~ghelede hem ende sinen bode te vaerne ende te + keerne te + jnne dese vorseide scult / ende met siere coepmanschepe ende met sinen goede vitaelge te bringhene binnen der stede van Brugghe / ende binnen den zwene tonsen wederroupene . Jn or-condschepen van den welken dinghen wie hebben hem ghegheuen dese lettre ghezeghelt huuthanghende / met Onsen ghemenen zegle @ van der stede van Brugghe vorseit . Dit was ghedaen dies zondaghes naer sinte Pieters ende sinte Pauwels daghe der Apostele @ jnt jaer Ons heren Dusentech + / Drie honderd + / ende Twee . - / / - / / - / / - / / -