Corpus Van Reenen-Mulder (CRM14): Oorkonde H036p30902

WJE . . Scepenen ende ghemeentucht van + der stede van brucghe / doen te wetene allen den ghonen die dese letteren zullen zien jof horen lesen / dat wie omme de nood van onser stede van brucghe hebben v_cocht onsen lieuen vrienden hannekine callekine en_ grielkine jans kind_e van atrecht / die hi hadde bi marien jacobs bodekijns dochter souden / vichtien pond vlaemsche jaerlixer renten te haerrer drier liue / omme ene benaemde zomme van peneghen die zie ons van haren propren cateilen in goeden ghereeden peneghen wel en_ vulcomenlike hebben v_golden / en_ die wie van hemlieden hebben ontfanghen en_ bekeerd jn die openbare nutscepe en_ orebare van onser voerseider stede van brucghe . De~welke vichtien pond vlae_sche jaerlixer renten wie belouen alle en_ elc zonderlanghe van ons allen ouer al in goeder trouwen / dat wie + se / hannekine / callekine / en_ grielkine vorseid jof enighen van hem drien die lanxt leuen zal jof haren zekeren bode / jof den bode van enighen van hem drien die lanxt leuen zal / zullen ghelden jof doen ghelden bin + der stede van brucghe / elkes jaers also langhe als zie leuen jof enich van hem drien leuet te tween paiementen euen + groten dats te wetene / zeuen pond en_ tien schelighe vlaemsche jn sinte jans baptists daghe mids~zomers die eerst coomt / na + der date van desen letteren / Ende zeuen pond en_ tien schelighe jn kerst~daghe daer naer eerst comende / Ende also vort die + voerseide vichtien pond vlaemsche jaerlixer renten / elkes jaers van jare te jare also langhe / alse hannekijn / callekijn / en_ grielkijn / jof enich van hemlieden voerseid lijf hebben in haren lachame / jn zo wat state van leuene dat zie zijn en_ in zo wat abite / en_ zo waer dat zie hem bekeeren en_ betrecken / es het in religione jof ter werelt / ten tween voers_ t_minen en_ paiementen . Ende tenden haren liuen als zie alle drie dood worden / zo zullen wie zijn quite / los / en_ ledich van dien voerseiden vichtien ponden vlaemsche jaerlixer renten te gheldene / tieghen hannekijns / callekijns / en_ grielkijns hoir voers_ / en_ tieghen elken andren mensche . Ende alle dese voerseide dinghen / en_ elke zonderlanghe zo belouen wie alle / en_ elc zonderlanghe van ons allen ouer al / dat wie + se / hannekine / callekine / en_ grielkine voerseid / zullen houden en_ doen houden wel en_ ghetrouwelike / en_ dat wiere ons in gheere maniere jeghen zullen zetten omme enighe dinc die ghevuallen zi + / jof die gheuallen moghen . Ende hier toe zo binden wi ons allen / en_ elken zonderlanghe van ons allen / en_ alle de ghone die na ons / comen zullen . . Scepenen en_ ghemeentucht van + der voers?er stede van brucghe / Ende renuntieren oec als hier toe / talle / priuilegien en_ indulgentien / ghimpetrert en_ timpetrerne / tallen rechten beede bescreuen en_ onghescreuen van + der heligher kerke ende van + der werelt / tallen letteren voersten en_ gracien van zo wien dat zie ghegheuen zijn jof ghegheuen moghen worden / Es het van + den paues van rome / jof van + den . . Coninc van vrankerike / jof van enighen andren prense / Ende tallen andren voerd? ? ons en_ onser voerseider stede van brucghe mochten comen te helpen en_ te baten / ende hannekine / jof callek_ jof grielkine / jof haren bode ?seid te deren ? ? ? ? omme~dat wie willen dat dese dinc zi vast en_ ghestade zo hebben wie scepenen voers_ in orconscepen van + der~welker dinc dese huut? ? ghedaen zeghelen metter stede zeghele van brucghe . Dit was ghedaen jnt jaer ons heren als men screef van sine_ jncarnatione / Dusentich Drie + hondert / ende Neghene jn die maen? van SEPTEMBRE