Corpus Van Reenen-Mulder (CRM14): Oorkonde H036p31101

WJE . . Schepene_ en_ ghemeentucht van + der stede van brucghe / doen te wetene en_ maken cont allen lieden / dat wie o_me de_ noot en_ die ghemeene nutscepe van ons_ stede van brucghe vorseit hebben v_cocht Onser lieuer v_endi_nen in gode Maertinen laurens dochter van coekelare sbakers die hi hadde bi marien sine_ wiue . twe en_ dartich sceleghe vlaemsche jaerlixer rente_ te haren liue o_me ene benaemde so_me va_ peneghe die soe ons van haren p_pren cateilen in goeden ghereede_ peneghen wel en_ vulcomenlike heuet v_golden / en_ die wie van hare hebben ontfanghe_ en_ bekeert jn die openbare nutscepe en_ orbare van onser vors_ stede van brucghe / die~welke twe ende dartich sceleghe vlaemsche jaerlixer renten . wie belouen alle en_ elc zonderlanghe van ons allen ou_al . jn goeder t_uwen dat wie + se Maertinen vors_ / jof haren zekeren bode zullen ghelden jof doen ghelden bin + der stede van brucghe vors_ elkes jaers also langhe als soe leuet te tween payemente_ euen gr?ot / dats te + wetene zestiene sceleghe vlaemsche jn kers~daghe die erst comt na der date van desen letteren / en_ zestiene scheleghe vlaemsche jn sinte jans baptists daghe mids~zom_s daer naer erst comende / en_ also vort die vors_ twe en_ datich sceleghe vlaemsche jaerliker renten elkes jaers van jare te jare te gheldene in + der vorseider maniere_ also langhe als Maertine vors_ lijf heuet in haren lichame jn zo wat state van leuene dat zoe zi / en_ in zo wat abite / en_ zo waer dat zoe hare bekeert en_ betrecket eist in religioene jof ter werelt En_ tende haren liue als zoe Maertine doot wort / zo zullen wie quite zijn los en_ ledich van den vorseiden twe en_ dartich sceleghe_ vlaemsche jaerlixer rente_ te gheldene tjeghe_ Maertine_ hoir vors_ en_ ieghen elken andren mensche . En_ alle dese vors_ dinghen en_ elke zonderlanghe / zo belouen wie alle en_ elc van ons zonderlanghe ouer al / dat wi + se Maertine vors_ zullen houden en_ doen houden wel en_ ghet_uwelike / en_ dat wiere ons in neghere maniere_ jeghen zullen z?tten o_me enighe dinc die ghevallen zi jof die ghevallen moghe / En_ hier toe zo binden wi ons allen en_ elken van ons zonderlanghe / en_ alle die ghone die na ons comen zullen . . Schepenen en_ ghemeentucht van + d_ vors_ stede van brucghe / en_ renu_tieren oec als hier toe tallen p_iuilegien en_ jndulgentien gheimpetrerd en_ te impetreerne / tallen rechte bede bescreuen en_ ombescreuen van + der heligher kerke en_ van + der werelt / tallen lett_en voersten en_ g_tien van zo wien dat zi ghegheuen zijn jof ghegheuen mochten worden / eist van + den . . Paues van Rome jof van + den . . Coninc van vrankerike jof van enighen andren prince / en_ tallen andren vordeelen die ons en_ onser vors_ stede van brucghe mochten come_ te helpen en_ te baten en_ Maertinen jof hare_ bode vors_ te deeren en_ te scaden . En_ o_me dat wie willen dat dese dinc also hier vorseit es / zi vast ende ghestade / zo hebben wie . . scepene_ vors_ jn orconscepe van + der~welker dinc dese lett_en ghedaen zeghelen huuthanghende mett_ stede zeghe van brucghe vors_ . Dit was ghedaen int jaer ons heren als men screef van sinen jncarnatioene / dusentich drie + hondert en_ elleuene Smaendaghes na sinte marien magdalenen daghe voren oest - - -