Corpus Van Reenen-Mulder (CRM14): Oorkonde H036p31102

WJE . . Schepenen en_ ghemeentucht van + der stede van brucghe / doen te wetene en_ maken cont allen lieden dat wie o_me den noot en_ die ghemeene nutscepe van onser stede van brucghe vors_ hebben v_cocht onser lieue_ vrient gheraerde den smoute_ f_ gheraerd smouters viue ponde_ vlaemsche jaerlixer rente_ te sinen liue / o_me ene benaemde so_me van peneghen / die hie ons van sine_ p_pren catheilen in goeden ghereeden peneghe_ wel en_ vulcome_like heuet v_gholden / en_ die wie van hem hebben ontfanghe_ / en_ bekeert in die openbare nutscepe en_ orbare van ons_ vors_ stede van brucghe / die~welke viue pond vlaemsche jaerlixer rente_ wie belouen alle / en_ elc zonderlanghe van ons allen ou_ al in goeder t_uwen dat wie + se gherarde den smoutere vors_ / jof zine_ zekeren bode zullen ghelden jof doen ghelden bin + der stede va_ brucghe vors_ / elkes jaers also langhe als hie leuet te tween paiemente_ euen groot / dats te + wetene_ victich scheleghe vlaemsche jn kers~daghe die erst comt na der date van desen lett_en / en_ vichtich sceleghe vlaems_ jn sinte jans baptists daghe mids~zom_s daer naer erst comende / En_ also vort die vors_ viue pond vlaems_ jaerliker rente_ / elkes jaers van jare te jare te gheldene in + der vors_ maniere_ also la_ghe als gher_ vors_ liif heuet in zine_ lechame jn zo wat state van leuene dat hi zi / en_ in zo wat abite / en_ zo waer dat hie hem bekeert eist in religioene jof ter werelt / te tween vors_ t_mine_ en_ payemente_ . En_ tenden sine_ liue als hi doot wort zo zullen wie q_te ziin los en_ ledich van den vors_ viue ponde_ vlaemsche jaerlixer rente_ te gheldene tieghe_ gher_ hoir vors_ / en_ ieghen elken andren mensche . En_ alle dese dinghe_ / en_ elke zonderlanghe / zo belouen wie alle / en_ elc van ons zonderlanghe ou_ al dat wie + se gher_ vors_ zullen houden en_ doe_ houden wel en_ ghetrouwelike / en_ dat wiere ons in neghere maniere_ ieghen zullen zette_ / o_me enighe dinc die gheuallen zi jof die ghevalle_ moghe_ / En_ hier toe zo binden wi ons allen / en_ elken van ons zonderlanghe / en_ alle die ghone die na ons comen zullen . . Schepenen en_ ghemeentucht van + d_ vors_ stede van brucghe / En_ renu_tieren oec als hier toe tallen p_iuilegien en_ indulgentien gheimpetreerd en_ te impetreerne / tallen rechte_ bede bescreuen en_ ombescreuen van + der helegher kerke en_ van + der werelt / tallen lett_en / voersten en_ g_tien / van zo wien dat zi ghegheue_ ziin / jof ghegheuen mochte_ worden / eist van + den . . paues van Rome / jof van den . . Coninc van vrankerike jof van enighen andren prince / en_ tallen andren vordeelen die ons en_ onser vors_ stede van brucghe mochte_ comen te helpen en_ te bate_ en_ gher_ vors_ jof zinen bode te deeren en_ te scaden . En_ o_me~dat wie willen dat dese dinc also hier vors_ es / zi vast en_ ghestade / zo hebben wie . . Schepen_ vors_ jn orconscepe van + der welker dinc dese lett_en ghedaen zeghelen huuthanghende mett_ stede zeghele van brucghe vors_ . Dit was ghedaen jnt jaer ons heren als men screef van sine_ jncarnatioene . dusentich / drie + hondert en_ elleuene smaendaghes na sinte marien magdalenen daghe voren oest - - - - -