Corpus Van Reenen-Mulder (CRM14): Oorkonde H036p34101

WJE Jan hoste sheer Jans zuene . Ende Clays De clerc + . Scepenen Jn brucghe in dien tiden dat dese dinghen vor ons waren ghedaen doen te + wetene allen den ghuenen die dese lettren zullen zien Jof horen lesen . . Dat camen vor ons alse vor schepenen / clays volcaerd de cupere / Ende celye zijn wijf / Ende gauen halm ende wettelike ghifte Janne van + der leckine ten conuente bouf van + den becgaerden Jn brucghe / van zeuen cameren te~gadre staende bachten vorseiden becgaerden Jn die schelt~strate / naesten den vorseiden becgaerden cameren af een zide / Ende heinric midernachts huus af ander zide vp sabs ende sconvents land van den heechoute . . Ende clays volcaerd / ende celye zijn wijf vorseid wedden ende beloueden den vorseiden janne van + der leckine / suorseids convents bouf Dese vorseide zeuen cameren staende ter vorseider stede te wetten te waerne ende te warandeerne met al dat den vorseiden cameren toebehord / Ende eerduast ende nagheluast an es tsconvents vorseid vrye_ Eghindomme tieghen elken mensche metten rechten landeheinze diere jaerlijx vte gaed . . Jn kennessen van desen dinghe_ hebben wie scepenen vorseid dese lettren vuthanghende beseghelt met onzen zeghelen Dit was ghedaen jnt iaer ons heren als + men screef M . + ccc . + Ende viertich vp den zeuene ende twintichsten dach van spuerkele - -