Corpus Van Reenen-Mulder (CRM14): Oorkonde H036p34202

et es ghewyst bi clais barde ende bi jan van den kersebome tresoriers van den hanbochte van den hanscoew_kers en_ bi vele goeder lieden van den hanbochte en_ bi deken ende bi vinders dat dese die hier na ghescreuen staen nemm_mer ne doen dinghen die gaen ieghen tghemene van den hanbochte vors_ wie dat dade et ware vp sin hanbocht vort dat gherken van zouchs doen sal eene pelghremasce ten heleghen crusce tasscen en_ ene te vendome tons heren tranen als ment hem ver~mane_ sal en_ die te doene vp sin hanbocht te latene ende dier ghelike elc die hier na ghescreuen staen bi alle dat ment vonde bi der wet va_ deken en_ van vinder? diere ieghen dade vort gille de brabandere doen sal ene pelegeremasce te onser vrouwen te hulstcerloo en_ ene (onleesbaar) s_ moors te fosscec vort dier ghelike arnout de pastedebakere doen sal ene pelegeremase s_ ? en_ ene s_ mattis te trieren vort dier + ghelike coppin ijden soene doen sal ene pelegeremase te sinte winnochx te b_ghen en_ ene s_ katelinen te roemen vort dat pieter metten barde doen sal ene s_ niclaus te ghent vort jan rikier de ionghe doen sal ene pelgheremase sinte victors te prouende en_ ene s_ desprits ten rouwen ten heleghen crusce vort doen sal ene pelgheremase jan de scoetelare te onser vrouwen te riemen vort doen sal ene pelgheremase jan aghedoren sinte obrecht te lauwe ende ene sinte niclaus in warangevile vort doen sal ene pelgheremase herman van hutrech te sinte loie in noioen ende van elker pelegheremase goede vraie lettren te bringhene dat sie + se wel ghedaen hebbe_ ende hier of sal hem v_~manen tresories en_ de ? vors_ met die te haren rade van den hanbochte nemen sullen wilcire dat si willen in kennessen van desen dinghen hebben wie dit gheseghelt met den seghele van den hanbochte vors_ dit was ghedaen in iaer ons heren als men scref . M + . ccc xli sinte amans daghe in sporkele