Corpus Van Reenen-Mulder (CRM14): Oorkonde H036p34301

WJE Jan f_ Robrechts deken Jan van Maldegheem Jan Colpaerd Jacop die wale en_ jan duve wettelike deelmans in onser vrouwen ambocht in brucghe in dien tiden dat dese dinghen vor ons waren ghedaen / doen te wetene allen den ghonen die dese lettren sullen zien Jof horen lezen dat Camen vor ons alse vor + den deken en_ vor deelmans der Michiel van bauinchoue an een side / En_ Jan zeeboord af ander side / En_ begherden an beden siden vors_ te hebbene een Recht landysceed tusschen haerre beder husinghen staende theen bachten andren in groeninghen / En_ aldaer so wort matthijs de crooc borghe en_ belouede te houdene en_ den vors_ here Michiele te houdene vast en_ ghestade so wat dat wie van desen vors_ landyscede wijsen souden / en_ naer deser borchtucht ghedaen so waren wie vors_ deelmans ghemaent van + den Rechte / En_ wie wijsden dat wie begherden te + horne en_ te ziene tsaert_s jof leuende (onleesbaar) orconschepe die van desen vors_ landyscede v_claersinghe Maecten vp~dat + se yemene van + den vors_ partien hadde die ghehord en_ ghezien worden wiere Meer af ghemae_t wie sonder Recht af wijsen / En_ aldaer so daden zie hem an beeden siden hof van tsart_s van landyschede / ende wie horden al + die horconscepe die ziere an beeden siden af ghehoerd wilden hebben / En_ naer den vorseiden tsart_s af ghedaen en_ horconschepe ghehoerd so waren wie vorseide deelmans vord wettelike ghemaend dat wiere Recht af wijsen souden naer al dats vor onslieden coemen ware / die Maninghe ontfanghen / wie vors_ deelmans wijsden naer der goeder claerre (onleesbaar) (onleesbaar) wielieden der of v_stonden ende bi der goeder informachien die wiere of hadden van aernoude van tkerke en_ van janne zwine der stede van brucghe ghesworne werclieden / dat jan zeeboord vors_ hebben en_ behouden zal voren ter straten buten den cricskine dat staet an zinen zuutoost ?post van den oos?ende van zinen huuse ander aluen dume neffens derflecht_ eerden nordwaerd streckende bi den drade (onleesbaar) vp tcrixkin dat staet ten nordhende van jan zeeboorde steninen voete daer buten sone heeft jan zeeboord niet / dits hare Rechte landyscheed an beeden siden vors_ in kennessen van desen dinghen hebben wie deken en_ deelmans vors_ dese lettre ghezeghelt met onsen zeghelen vuthanghende / dit was ghedaen vpten twintichsten dach van april als men screef . M˚ + . ccc˚ + . drie en_ viertich -