Corpus Van Reenen-Mulder (CRM14): Oorkonde H036p34302

WJe Jan die waerd / ende Clays die Sceerre / Scepen_ jn brucghe te dien tiden dat dese dinghen waren ghedaen doen te wetene allen den ghuenen die dese lett_en sullen sien iof horen lesen dat Camen vor ons als vor scepenen Jan de lodine die tijcweu_e / ende margriete sijn wijf ouer hem~lieden / en_ ouer hare~lieder nacomers / ende besetten den h_e Heinrike Pauwelse / ende sine nacomers / vp een Huus staende bachten freren muere in bonins stratekin an + die oest~side tusscen s_ jans boudins soens cam_e af ene side / ende gheraerds huse van + den echoute af ander side vp s_ harnards lande van artrike ende der and_en diere toe + behoren / alse van drie sceleghe groter tornoys_ / jof die waerde daer ouer jn and_en payemente / te gheldene elcs jaers naestcomende ende acht_uolghende ewelike en_ eruelike ghedurende / dats te wetene / achtien peneghe grot_ tornoys_ te paeschen eerstcomende / ende achtien peneghe grot_ torn_ / te sinte baues + messe / daer naer eerstcomende . Ende also vort telken vorscreuen termine achtien peneghe grot_ torn_ / in elc jaer Te gheldene / na + der vormen dat voren verclaerst es . En_ hier bi so wedden ende belueden jan de lodine ende margriete sijn wijf vorseid / an dat vors_ huus te licghene van timmeringhe ende jn beteringhe / binnen enen jare naestcomende / twintich sceleghe grot_ torn_ / vp cracht . . Ende ghebrake an dese vors_ besettinghe iet dat soe verdurne / verbrande / jof te nieute ghinghe / ende der vorseider peninghen / van jare te jare / ende van termine te terminen / naer dien dat vorscreuen es / niet waerdich en ware / dat wedden jan en_ margriete sijn wijf en_ beloueden ouer hem~lieden en_ ou_ hare naercomers / den vors_ h_e heinrike pauwels / en_ sine naercomers / te vulcomende / en_ te vuldoene / vp haer lijf / ende vp al tghoet dat sie hebben . . Jn kennessen van desen hebben wie scepenen vorseid dese lett_en beseghelt met onsen seghelen vuthanghende / Dit was ghedaen jnt jaer ons heren als + men screef / dusentich + / drie Hondert + / drie ende viertich . . vpten neghensten dach jn October . . -