Corpus Van Reenen-Mulder (CRM14): Oorkonde H036p34901

WJE willem van wulfsbeerghe / wout_ de smit / pieter de cupre / Jacob Gabbaerd / Ende daneel van den lode scepenen . Jn brucghe in dien tiden dat dese dinghen vor ons waren ghedaen doen te wetene allen den ghuenen die dese l_ren zullen zien iof horen lesen / . dat Camen vor ons alse vor scepenen / Clais cobin ende lisebette zijn wijf / . Ende Gauen halm ende wettelike ghifte ?oris roeweloken van viue groten tornoisen / . ende enen haluen groten tornoisen euweliker Ende Eerueliker renten elkes iaers licghende binnen den scependomme van brucghe / an die hofstede daer pieters huus van leffinghe tsceppers vp staet staende ende licghende ouer de vlamincbrucghe an de westzide van der strate naesten iacob pikaerds huse af een zide / Ende ians van brabant aeldingers huse af ander zide / . Ende Clais cobin ende lisebette zijn wijf vorseid wedden ende beloueden den vorseiden Jorise roeweloken de vorseide euwelike ende Eeruelike rente elkes iaers licghende ende staende ter vorseider stede in der manieren dat vorseid es te wetten / te waerne ende te warandeerne tsuorseids ioris rouweloecx vrien eyghindomme tieghen elken mensche / . Ende ghebrake ant vorseide warant hiet dat wedde ende belouede ian de cleerc die men heet rauens / ouer hemlieden te vulco_ene ende te vuldoene . Jn kennessen van desen dinghen so hebben wie scepenen vorseid dese l_ren vuthanghende beseghelt met onsen zeghelen dit was ghedaen int iaer ons heren als men screef zijn incaernatioen dusentich drie hondert ach? ? ?ch vp den drie ende twintichsten dach van laumaend / . -