Corpus Van Reenen-Mulder (CRM14): Oorkonde H036p35102

Cont ende kenlic zi hem allen die dese lettren sullen zien af horen lezen . dat Jc bouden golyaes kenne ende erlije dat ic ontfanghen hebben van clais aluerdoene maenre van + den vulle~ambochte in dien tiden ende van sinen ghezwornen ten selue_ tiden viertich goudine scilden in minderinghen ende rebate van tween hondert goudine scilden die mi tvorseide vulle~ambocht sculdich es van + den~welken viertich goudine scilden ic mi wel ghepait houde / ende den vorseiden maenre zine ghezworne ende tghemene vulleambocht der af quite scelde / Ende beloue hemlieden der + af scadeloes te houdene ende al scadeloos te quitene ewelike tallen daghen tieghen elken meinsche . . Jn orcondscepen der waerheiden hebbic bouden golyaes vorseid dese lett_en huuthanghende bezeghelt met minen propren zeghele dit was ghedaen jnt iaer ons heren . M˚ + . CCC˚ . + ende vichtich vp + den andren dach van laumaendt - .