Corpus Van Reenen-Mulder (CRM14): Oorkonde H036p35201

WJE pieter de pinkere lambrecht van den walle Jan van bredene pieter van der haghe Ende Jan van Ricele - Scepenen in brucghe in dien tiden dat dese dinghe_ vor ons waren ghedaen doen te wetene allen den ghuene_ die dese l_ren zulle_ zien jof horen lesen . dat cam vor ons als vor scepine_ . joris Rouweloke Ende gaf vp en_ drouch jn handen gheraerde van vtrecht als deken van onser vrauwen ghilde van hulsterloo . die men hout ten beggaerden . diedericke van den pitte woutre van cassele gillisse van den hoorne ? ? gillis godevaerd van ghelre clais den stier den jonghen en_ jan Rijtchaerde den lamminwerck_e . als zorghers van der vors_ ghilde . ter vorseider ghilden bouf . en_ . ten gilden vors_ . vryen eghindome al die zelue macht en_ al dat zelue Rechte dat hie hadde jof hebben mochte . an desen ersten chaerter en_ an dat hie verclaerst en_ jn~heuet . duer den~welken dese laetste en_ achterste chaerter ghesteken es . en_ an~hanghet . jn kennessen van desen dinghe_ hebben wie Scepne vors_ dese l_ren bezeghelt met onsen zeghelen vuthanghende dit was ghedaen vpten achte en_ twintichsten dach van december anno d_ni . M . + ccc . + twee en_ vichtich -