Corpus Van Reenen-Mulder (CRM14): Oorkonde H036p35301

WJE willem van wulfberghe / jacob scouwinc / jan poeluoet / Pieter aluerdoe / Ende jan van thoroud . . ScepeneN . in brucghe in dien tiden dat dese dinghen vor ons waren ghedaen / doen te wetene allen den ghuenen die dese letteren sullen zien jof horen lesen / dat Cam vor ons als vor scepenen joncvrauwe marie ser iacops wedue van + der roder~dore ende gaf halm ende wettelike ghifte cristiane van + der zuerkele van twee ende twintich sceleghen parisisen erueliker re_ten elkes jaers licghende bin + den scependome van brucghe . Dat es te wetene in + de zuut~zant~strate bi + der fonteine an de zuut~zide van + der strate in een straetkin achterwaert bin + den ?kine bachten ihans duues huse ende der anderen diere an ghehuust sijn voren . an die hofstede ? der vorseider ioncvrauwen marien stoue ende husinghe ende der anderen diere deel an hebben vp staen Ende ioncvrauwe marie vorseid wedde ende belouede den vorseide cristiane die vorseide twee ende twintich sceleghen parisisen erueliker renten elkes jaers licghende an + de vorseide hofstede jn + der manier? also het hier voren verclaerst ende bescreuen staet te wetten te waerne ende te warenderne tsvorseids cristiaens vrien eghindome ieghen elken mensche / Jn kennessen van desen dinghen hebben wie vorseide Scepenen dese letteren beseghelt wthanghende met onse zeghelen / Dit was ghedaen int ? ons heren als + men screef . Dusentich drie + hondert twee ende vichtich . vpten zeuene ende twintichsten dach van sporkle - - - - -