Corpus Van Reenen-Mulder (CRM14): Oorkonde H036p35302

WJE pieter bonin f_ S_e lambrechts / Jan poeleneet / daniel van + den loode Jan camphin f_ Shere jans Ende matheus saegse Scepenen Jn brucghe te dien tiden dat dese dinghen voor ons waren ghedaen doen te wetene allen den ghuenen die dese lettren zullen zien Jof horen lesen . dat Camen voor ons alse voor scepenen carstiaen van + der zurkele . ende maergrite sijn wijf Ende gauen vp ende droughen jn handen sandersse plachiere . sconuents bouf van + den begaerden sconuents vrijen eighindomme ende ouer haerlieder vrije eighine goed . alle die zelue macht ende al dat zelue rechte dat zie hadden jof hebben mochten . ane desen eersten chaerter . ghelike datte verclaerst en_ jnhoudt . duer den~welken dese laetste chaerter ghesteken es ende an~hanghet . Jn kennessen van desen dinghen . hebben wie scepenen vorseid . dese lettren huuthanghende bezeghelt met onsen zeghelen . dit was ghedaen jnt Jaer ons heren als + men screef / duzentich drie hondert + . drie ende vichtich vpten tiensten dach van + der maend van december -