Corpus Van Reenen-Mulder (CRM14): Oorkonde H036p36101

Het sij cond Ende kenlic allen den ghenen die dese lettere zullen zien af horen leesen dat ic pieter hardewst kenne en_ verlie dat van allen den mesgripe dat ic mesdaen af mesgrepen hebbe ieghen tambocht van den hantscoewerkers dat ic daer (onleesbaar) bleuen bem in den deken Ende in vinders Ende in tresoriers van den ambochte vorseit / So dat de deken Ende vinders En? tresoriers van den ambochte van den hantscoewerkers wo? segghende ende wijsende dat pieter hardewst over de me? die hi ghedaen heeft ieghen tambocht sal gaen Ende doen ene pelegrimage te sinte ledenaerds in lemogen in de eere ? in de weerdichede van den ambochte Ende dese pelegrimage te doene met sijns selues lachame binnen eere maent na? comende naer dat hem de deken en_ de vinders en_ tresoriers vermanen zullen die van deken en_ vinders en_ tres? wesen zullen Ende van dane goede vraye letteren bringhen dat pieter hardewst vors_ dese pelegrimage vorsei? (onleesbaar) ende ghetrouwelieke ghedaen sal hebben met sijns selues lachame up sijn ambocht te doene en_ te doen doene / vo? ware dat sake dat pieter hardewst dese pelegrimage niet ne dade ten vermaenne van den deken en_ van vinder? ? van den tresoriers van den ambochte van den hantscoewerkers Ende men dat kenlic maken mochte dattene (onleesbaar) En_ vinders en_ tresoriers van den ambochte vors_ (onleesbaar) Ende taxseren souden also hem~lieden goet so (onleesbaar) (onleesbaar) soude dinken ouer tambocht in kennessen van desen dinghen hebben wij deken En_ vinders En_ tresor? ? den ambochte van den hantscoewerkers dese lettere huuthanghende bezeghelt met sambochts zeghele Dit w? ? int iaer ons heren als men screef dusentich drie + hondert Een En_ tsestich up de sesten dach van april