Corpus Van Reenen-Mulder (CRM14): Oorkonde H036p36201

Het zi cont allen lieden dat Ic Broeder Francois bateman Gardijn van den fremineurs in brugghe te dien tiden . Joncvrauwen Marien van berneem ewelike deelachtich make an die derde Messe die men zegghen zal in conuent van den frerenmineurs vorseit omme die groote deuotie die zoe adde en_ toghede ter ordine_ en_ speciaelike den vors_ conuente twelke hem oec verbint alle jare hare jaerghetide te doene met noten binne_ der maent van mouembre Also na den daghe als men mach van hare doot En_ in orconscepen van waerheide hebbic Gardijn voors_ dese lettre gheseilghet metten zeghele van Mine officie en_ mette_ zeghele van den voorseiden conuente Ghedaen int jaer ons heren . M + . ccc . + lxij den twintichsten daghe van den houste